Isa. 24:12 - Ebaibul

¹² Edoŋ ekasile lotaun, abwaŋabwaŋaar ŋipukei a etaun enyasun.

Isa. 24:12 Iomraidhean Croise

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 32:14

Imyekinete ŋituŋa akiboi anakais a ŋuna ka apukan, eesikinio etaun ŋolo sek ileleba ŋituŋa; eruworosi ekamukumukut ka aduketait ŋina kirereet akwap ŋaduyon ŋuna a ŋikaru ka ŋikaru, eruwor neni elelyaniata ŋisigirya, eruwor neni edakasi ŋamesekin,

Isa. 32:19

Edaun amoni jik, inyasunio etaun nooi.

Isa. 45:2

“Ekeŋarenikini ayoŋ iyoŋ, alemari ayoŋ ŋatyokisyo alokiŋaren kon, anyilinyiliyari ayoŋ ŋipukei ŋulu itiyaunitae a eburonis, atubutuboori ayoŋ ŋasuwa ŋuna iloritere ŋipukei,

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Aum. 5:18

anerae asilyor emukura ŋolo a Sion aruwor ereŋorot; irimito ŋikweei anaduketa keŋ a ŋuna eritanakina.

Mika 1:12

Iyes ŋituŋa a Maros, kidara ŋuna ajokak ikiburit akiŋolikin, anerae ayau Ekapolon aronis nakwap, tari lopuke a Yerusalem.

Mika 1:9

Ikwaan ŋakiro a Samaria ka etoku; adolut ŋakiro ŋun tari Yudaya. adolut tari lokek a ŋituŋa kaŋ, Yerusalem elope.

Mat. 22:7

Toŋo erwosit nooi, kiyakiya ŋajorei keŋ, tomunyasi ŋikaarak ŋul ka kicunya etaun kec.