Isa. 24:1 - Ebaibul

¹ Apuu Ekapolon tokona akinyasun akwap kituruwo ekasile, ebuburiyari iŋes akwap kielielaa ŋituŋa ŋulu eya nakwap.

Isa. 24:1 Iomraidhean Croise

2 Ŋirw. 21:13

Esicani ayoŋ Yerusalem lopite ŋolo abu esicania Samaria. Esicani lopite ŋolo esicania Aab ŋolo arae erwosit a Isirael kaapei ka ŋiletok keŋ. Ani ŋituŋa a Yerusalem, apyaari pye, kidoŋ Yerusalem eorori ikoni atuba ŋina ilotaryo, ido tobuburiyarae.

Neem. 1:8

Totamu ŋakiro ŋuna ibu iyoŋ kicik eketiyan kon Moses ibala, ‘Ani pa kiwuapa iyes ŋakiro kaŋ ekeelari ayoŋ iyes nakwapin a ŋituŋa;

Ŋikiru. 146:9

Iyokit Ekapolon ŋigelaanotin iŋaranakini ŋikokyok ka ŋapuseru, nai emunaanari ŋiticisyo a ŋulu aronok.

Isa. 13:13

Aŋun, etamaranikini ayoŋ kidiama ka emaranikini akwap anakisyakinet keŋ aŋuna ka anyunyura a Ekapolon a ŋolo a ŋajoresyo itiyakin ŋun akoloŋit ŋina ka aŋoit keŋ a ŋina adedeŋan.

Isa. 13:5

Eponito ikes anakwapin a ŋuna alwanak, anakisaleta a akwap, ebunit Ekapolon enyunyura eyakar ŋiboro ŋulujiet ka akinyasun akwap a Babilon daadaŋ.

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Isa. 24:19

Enyasun akwap nooi atyakatyakasi ŋalup, amaran akwap nooi.

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Isa. 27:10

Asilu etaun ŋolo sek edukitoe ŋaduketa ŋunajiet, aruwor ere ŋorot ka emyekin, ekwaanikin ka aloŋisat. Aruwor nen neni edakasi ŋitak, neni euryaketa ikes ka igerete a nen ŋaten a ŋikito a ereŋorot.

Isa. 29:16

Ibuburete iyes ŋakiro! Epedoryo mono atemar erae ekayan ŋamoti ecoto a? Epedori mono ibore ŋini eyeunitae alimokin ekayeunan keŋ ebe, “Meere iyoŋ ikiyeuni ayoŋ” kori epedori mono ibore ŋini itiyaunitae alimokini eketiyaunan keŋ ebe, “Mam ibore iyeni iyoŋ”

Isa. 29:2

Kikote neni daŋ esicani ayoŋ Ariel, eyakaun nen akigworo ka akiwolol, ikwaanikin Yerusalem aneni kaŋ ka Ariel.

Isa. 30:32

Apaki daadaŋ ŋina eramarya Ekapolon ebela keŋ ŋolo isicania ŋituŋa ka Asiriya iiraryo eruye ŋolo esibit eruye a ŋiburin ka ŋaduŋgui. Itiji Ekapolon ikes a akan keŋ a ŋina iikikyo.

Isa. 32:12

Toumokisi, ido torama ŋatorobwo kus aŋuna a ŋimanikorin kus, aŋuna a ŋikito a epiini a ŋulu araak nooi,

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 34:10

Mam ituŋanan iboikin nen ananyameta a daadaŋ, mam ituŋanan itori nen ŋikaru ka ŋikaru.

Isa. 34:2

Eŋoikinit Ekapolon ŋituŋa a ŋakwapin a daadaŋ, elilit iŋes a ŋuna a ŋasigarya a daadaŋ aŋuna idyasito ikes; emunyari jik iŋes ikes, ido ipotori ikes tomunyarae.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 40:15

Tolot nai Yoanan lokoku a Karea akisirwor Gedalia alo Misipa anakimunono tema, “Kimyekinae ayoŋ olot oar Isimael lokoku a Nesania ka mam ituŋanan eyenuni ŋakiro ŋun. Kaanukiro elemarya iŋes akiyar kon, ido kielaros Ŋiyudayan daadaŋ ŋulu acunakina neni kon, ido totwaka ŋipiya a Yudaya?”

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Esek. 12:20

Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 24:11

Kikacakisi amot ŋin eorori kidiama ŋatotol, ikotere emwanuni, ido toreŋu elupe keŋ puu, nen nai etalarya ibore ŋini abosan alotooma keŋ, todaun eroiroi alotooma keŋ.

Esek. 35:14

Alimu Ekapolon Akuj atemar, eketuruwori ayoŋ iyoŋ neni asilon, ikotere ŋituŋa a akwap a daadaŋ elelyanete aŋuna iruworor iyoŋ akoŋinait,

Esek. 5:14

Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Esek. 5:2

Ani edaun ŋirwa ŋulu irikaunitere Yerusalem, emaikina kicuny alotooma etaun ŋitim ŋul atutubet apei alotooma ŋauni. Tolemu nabo atutubet ŋina a ŋaarei totubutubu a ekileŋ irimi alokiŋa etaun. Tosodi atutubet ŋina a ŋauni, emaikina kiela lokuwuam etutupak ayoŋ ikes ekileŋ kaŋ.

Esek. 6:14

Arami ayoŋ ikes a akan kaŋ, eturuwo akwap kec ereŋorot ka akoŋinait alotooma ŋakiboisyo kec daadaŋ, ameun analoŋisat tari lotaun ŋolo enyaritae Ribila. Eyenunete nai ikes atemar arae ayoŋ Ekapolon?’ ”

Esek. 6:6

Eruwor ŋitaunio daadaŋ ŋulu iboiyoto iyes ŋireŋoroto ka ebwaŋabwaŋaaryo ŋaitae a ŋimoru kus, ikotere ŋamuroeta ŋuna edukitoe naitae ŋun, eruwor ŋacaryo ka ŋuna emunaara ka eruwor ŋakujo kus ŋuna ebwaŋabwaŋatae ka emunaaritae, ebwaŋabwaŋakinio kwap ŋamuroeta ŋuna icunyere ekinyate, ido eŋopiyari etic ŋolo idaut iyes akitiya.

Esek. 7:12

Adolu esaa, aapuu akoloŋit; nyemaikina ŋini egyeli ibore tolelyan, kori ŋini egyelanari ibore kiitono ibore ŋin; anerae ebunit anyunyura kaŋ neni a ŋinituŋanan.

Esek. 7:14

Adaut ŋituŋa akutakin amomwara, adaut ŋituŋa akitemokin ŋiboro daadaŋ aŋuna ke ejie; nai mam ŋini alot lojie, anerae eyai anyunyura kaŋ neni a ŋinituŋanan.

Naum 1:5

Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.

Naum 2:10

Enyasun Ninepe, mam ŋituŋa eriŋa iboiyete a nen, eturuwor ereŋorot, einaiya ekabule ŋituŋa daadaŋ, emaranete ŋakuŋin kec, esecec ŋireetin kec aŋuna a ekabule.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋitic. 17:6

Nai ani eryamunete ikes emamukasi, kiriut Yason kaapei ka ŋikanupak ŋice lokapolok ŋulu ke etaun, tocelas ebasi, “Etolomut ŋikilyok lu ŋakiro ŋuna aronok nakwap daadaŋ! Tokona apotu ikes lotaun yok

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋikis. 4:27

Ikielari Ekapolon iyes nakwapin a ŋituŋa a ŋulugelae, ŋidikudyo bon alotooma kus idoŋete nakwapin ŋuna ikirikori Ekapolon iyes.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.