Isa. 23:2 - Ebaibul

² Okoe iyes ŋituŋa ŋulu iboiyete alodiyete anam nyiryaŋiryaŋasi. Okoe iyes ŋimucurus a Sidon, atubo ŋikiyakitono kus anam,

Isa. 23:2 Iomraidhean Croise

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Isa. 41:1

Ebala Akuj ebe; “Okoe ŋituŋa ŋulu iboiyete alodiyete anam, kililiŋa, topupokinae ayoŋ. Emaikina ŋituŋa toryamut agogoŋu kec nabo; emaikina ikes potu kiŋaren kaŋ, ido kirworo; emaikina iwon oyakaun kaapei neni etubere ŋakiro.

Isa. 47:5

“Iyes Ŋibabiloniyae kiboikinos ililiŋete, tolomasi nakiryonut! Nyeriŋa nabo ikinyarao iyoŋ Babilon arwosit a ŋakwapin a daadaŋ.

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:21

“Lokoku a ituŋanan, kiŋoliya lowae ŋolo eyai etaun Sidon, ido todwar ŋakiro nu itoroniyarit ŋituŋa keŋ.

Abak. 2:20

Eyai Ekapolon Kai keŋ ŋina asegan; emaikina ŋituŋa daadaŋ anakwap kililiŋa alokiŋaren keŋ.