Isa. 23:13 - Ebaibul

¹³ Kiŋolikisi mono iyes akwap a Ŋibabiloniyae, amam koloŋ sek ŋituŋa ŋul a nen. Arae ŋituŋa ka Asiriya esyakinete akisiboikin ŋituŋa kec nen ŋulu eboiyete sek analoŋisat. Apotu ikes kituruwosi Tiro neni iboiyoto ŋityaŋ, todukokis nen ŋaduketa ŋuna aoyak ŋuna erikaunitere etaun, apotu kielasi ŋakais a Tiro ŋuna ka apukan, kituruwosi etaun ereŋorot.

Isa. 23:13 Iomraidhean Croise

Akisy. 11:28

Abu Aran totwan alo Ur, anakwap a ŋina a Ŋibabiloniyae. Apaki ŋin, ariŋa papa keŋ eyari aneni edounere.

Akisy. 11:31

Torukosi Tera ka lokoku a Aburaam ta Lot lopapait keŋ lokoku ka Aran kaapei ka Sarai aberu ka Aburam, toloto alo Ur anakwap a ŋina a Ŋibabiloniyae tari nakwap ŋina a Kanaan. Nai ani edolunete ikes Aran, toloma nen.

Akisy. 11:9

Aŋun, aponi tonyarae etaun ŋol Babilon, anerae abu Ekapolon kinyalak aŋajep ŋina sek arae apei anakwap, tojoŋoto ŋituŋa apupo make; tosodi kiela ikes nakiboisyo ŋuna ka akwap a daadaŋ.

Akisy. 2:14

Arae ekiro ka aŋolol a ŋina a ŋauni Tigris, ŋin iŋes ŋina elele lowae ŋolo alo Kide anakwap a ŋina ka Asiriya. Aŋolol ŋina a ŋaomwon iŋes Eupurate.

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋirw. 20:12

Ŋirwa ŋul, kiira erwosit a Babilon ŋolo anyaritae Merodak-baladan ŋolo arae lokoku a Baladan atemar kedyaka erwosit Esekia. Abu iŋes kiyaki ŋituŋa inasi Esekia ŋabaruwae ka ainakinet.

2 Ŋakiro a ŋirwa 33:11

Aŋun, abu Ekapolon yau ŋikapolok a ŋasigarya a erwosit ka Asiriya akirem ikes ka apotu torikosi Manase, kiwuakis ekodocet lokume keŋ, toena iŋes a ŋiriko a ŋulu etiyaunitae a eburonis, yaasi Babilon.

Yob 1:17

Ani eriŋa ŋol irworo, todolu ece tema. “Apotu Ŋibabiloniyae kicodut eyakatar ŋakodeta ŋauni, toremo ŋikaala tomeasi, ido apotu toara a ŋileŋia ŋiketiyak, ayoŋ bon abu osi ainun iyoŋ ŋakiro ŋuna apotu kitiyakin.”

Ŋikiru. 72:9

Elipi kilounae ŋimoe keŋ alokiŋaren keŋ, elipi toreu iŋes ŋimoe keŋ.

Isa. 10:5

Okoe iyes ŋituŋa ka Asiriya! Anaŋoit kaŋ, ekesitiyae ayoŋ iyes, napedor kus eyai ebela ŋolo ka anyunyura kaŋ.

Isa. 10:7

Nai nyecamit erwosit ka Asiriya akitiya ŋun, nyetami daŋ iŋes ŋakiro ŋun, nai eya lotau keŋ ŋakiro ŋuna ka akinyasun ka amunyar ŋituŋa a ŋakwapin a ŋuna alalak;

Isa. 13:19

Inyasunio Babilon akwap ŋina sek itopolooritae alotooma ŋakwapin, daadaŋ akwap ŋina ibus ka ŋina iturotor Ŋibabiloniyae. Ikwaanikin iŋes ka Sodoma ta Gomora apaki ŋina ekamarya Akuj ikes.

Isa. 13:21

Nai epote ŋityaŋ ŋulu ka ariet akiboi a nen, eruwor neni iboiyoto ŋitulae, elomete ŋikaleeso nen ka epote ŋamee ŋuna ka ariet abolya a nen.

Isa. 18:6

Imyekinio ikes alomoru toruworos akimuj a ŋikyeny ka akimuj a ŋityaŋ a ŋulu ka ariet. Enyamete ŋikyeny ikes akamu tutur ka enyamete ŋityaŋ ŋulu ka ariet ikes akiporo tutur.

Isa. 43:14

Alimu Ekapolon, ekalakunan kus, Akuj ŋina asegan ŋina a Isirael ŋakiro nu ebe, “Aŋuna ka aiun iyes, eyakiyari ayoŋ ŋasigarya toremo Babilon, aritaari ayoŋ ŋipukei a etaun, ido eturuwori ayoŋ acela a Ŋibabiloniyae ŋina ka alakara akiwolol.

Esek. 23:23

Ekesimani ayoŋ iyoŋ Ŋibabiloniyae, Ŋibabiloniyae daadaŋ, Ŋipekod, Ŋisoa ka Ŋikoa ta ŋituŋa ka Asiriya daadaŋ erukito ikes ka ŋisorok ŋulu ebusak, ŋikapolok daadaŋ ŋulu a ŋitela ka ŋikarikok daadaŋ ŋulu a ŋasigarya, ŋikapolok ŋulu emetae a ŋagaari a ŋuna iritae a ŋaŋolei ka ŋikapolok a ŋasigarya ta daadaŋ ŋulu edokito ŋaŋolei.

Esek. 29:18

“Lokoku a ituŋanan, abu erwosit Nebukadinesar ŋolo a Babilon ya ŋasigarya keŋ akirem Tiro aŋuna acamitor nooi akikamar; abu iŋes kisiwok ka kitoryoŋ ŋasigarya keŋ daadaŋ ŋiboro ŋulu apotyok, tolemar ŋitim anakyes kec ka tobuluciar ŋiseketa. Nai mam ibore apotu iŋes ka ŋasigarya keŋ toryamut anakimanit ka anacamit nooi akikamar Tiro.

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Abak. 1:6

Ainakini ayoŋ ŋituŋa a Babilon apedor ŋinakipukaet, ainakini apedor lotuŋa ŋul ŋulu aryenyaanak, ŋituŋa ŋul nyiyeŋununeete. Elosete ikes etubete akwap, aŋuna ka akikamanar ŋakwapin toruworos ŋuna kec.

Ŋitic. 7:4

Abu nai iŋes towot anakwap a Ŋibabiloniyae, tolot Aran. Ani ketwana papa keŋ, abu Akuj yau Aburaam nakwap ŋina tokona iboiyoto iyes na.