Isa. 23:1 - Ebaibul

¹ Ŋakiro ŋuna adwarit Ekapolon aŋuna a ŋituŋa a Tiro ikes nu: Kiwololoto iyes ŋituŋa ŋulu imeto ŋameeli ŋuna a Tarisis, anerae enyasun akibois kus, edoŋ emam akai ka emam neni elomarere nakwap. aponi tolimokinae ikes ŋun eboŋunete alo Kupuro.

Isa. 23:1 Iomraidhean Croise

Akisy. 10:4

Ŋidwe a Yapan ŋulusapa lu: Elisa, Tarisis ka Kitim ta Dodanim.

1 Ŋirw. 10:22

Ayakar erwosit ŋameeli ŋuna alalak ŋuna alo Tarisis ŋuna kicurutaet ananam kaapei ka ŋuna a Iram. Ayaununeete ŋameeli ŋuna alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak, apeiyaunet kelunyar ŋikaru ŋiuni.

1 Ŋirw. 22:48

Abu Yeosapat kitiyau ŋameeli ŋuna kicurutaet ŋuna ekwaan ka ŋuna alo Tarisis, ikotere elosete Opir akiom egolid, nai apotu nyelot, anerae kepotu ŋameeli tobwaŋabwaŋaar edolete Esion-Geber.

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

2 Ŋakiro a ŋirwa 9:21

Ayakar erwosit ŋameeli ŋuna aloseneneete Tarisis kaapei ka ŋuna a Iram. Alotooma ŋikaru ŋiuni, ayaununeete apei yaunet ŋameeli ŋun alo Tarisis egolid, esilipa, ŋikyal a ŋitome, ŋicomin ka ŋikyeny ŋulu ebusak.

Ŋikiru. 48:7

Ibu iyoŋ tomunya ikes lopite ŋolo emunaarya ekuwuam ŋolo ekutununui alo Kide ŋameeli ŋuna a Tarisis.

Isa. 15:8

Itiyaete ikes ŋun, anerae eryam akigworo kec akwap a Moab daadaŋ, adol akiwolol kec Egilaim, adol aumen kec Berelim

Isa. 2:16

inyasuni Ekapolon ŋameeli daadaŋ ŋuna a Tarisis ka ŋiboro ŋulu ebusak daadaŋ ŋulu itiyaunitae.

Isa. 23:12

Ebala Ekapolon, “Nyilakarosi iyes nabo, okoe ŋituŋa a Sidon ŋulu ikisicanitae, tonyoutu, todokasi Kupuro, tari alo Kupuro nyiryamunete iyes akieŋun.”

Isa. 23:6

Todoka anam toloto Tarisis; okoe iyes ŋituŋa ŋulu iboiyete alodiyete anam, kiwololoto.

Isa. 24:10

Abilibilaar etaun ŋolo a egurigur, agolokin ŋakais daadaŋ ikotere edaun ituŋanan epedori alomar tooma.

Isa. 60:9

Kire jik, ekewarete ayoŋ ŋituŋa ŋulu iboiyete alodiyete anam; iŋarenunete ŋameeli ŋuna a Tarisis, eyaunete ikes ŋidwe kus ŋulusapa aneni alwanan, eyaunete ikes esilipa ka egolid kec aŋuna ka akitopoloor ekiro a Ekapolon, Akuj kus ŋina asegan ŋina a Isirael, anerae ikitopoloo iŋes iyes.

Yer. 2:10

Totuboros Kupuryo diyete anam kiŋolikis akwap ŋin neni ikoni, kiyakiyasi ŋituŋa Kedar, toripiripa ejok, kiŋolikisi keyakauna ŋinapei koloŋ ibore ŋini ikoni ŋin.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

Yer. 25:22

ŋirwosi daadaŋ ŋulu a Tiro, ŋirwosi daadaŋ ŋulu a Sidon ka ŋirwosi a ŋakwapin a daadaŋ a ŋuna alokekwaye anam a ŋuna idunyito anam;

Yer. 47:4

aŋuna ka akoloŋit a ŋina ebunit, akoloŋit a ŋina emunyarere Ŋipilistin, emunyaryo alo Tiro ka Sidon ŋituŋa daadaŋ ŋulu edoŋito ŋulu amaikina kiŋarakis Ŋipilistin, anerae elosi Ekapolon amunyar Ŋipilistin, emunyari Ekapolon ŋipiya a ŋituŋa a ŋulu iboiyete alodiyete anam aneni enyaritae Kapitor.

Esek. 26:1

Alokaru a ŋolo a ŋitomon ka epei, ŋirwa ke elap epei, abu Ekapolon kirwor neni kaŋ tema,

Esek. 26:2

“Lokoku a ituŋanan, aŋuna aponiata ŋituŋa a Tiro temasi neni a Yerusalem ebe, ‘Coe! Kebilibiliyar etaun ŋolo itoreneneete ŋituŋa a ŋakwapin; edoŋ ŋipukei keŋ itaditadasi eŋaara aŋuna kosi; ebaryo nai tokona isua, anerae nyeriŋa Yerusalem ejokuni.’

Esek. 27:30

Iworounete ikes a nen nooi aŋuna kon, ikalounete ikes enomorito ŋakiro ŋitai nooi. Ipuripurete ikes apuwa nakyes kec, kibelibelo alokurono.

Esek. 27:6

Alokuyono a ŋulu a Basan, apotu ikes kitiyaut ŋakito ŋuna emetere ŋatubae; alokito a ŋulu enyaritae Sipres a ŋulu eyakasi Siprus, apotu ikes kitiyaut ŋakito ŋuna apesitae kwap ŋatubae kon ŋuna apesitae ŋikyal a ŋitome tooma.

Dan. 11:30

anerae epote ŋituŋa ŋulu Akitim emeto ŋameeli akitijikin iŋes, ekuryaniar nai iŋes toboŋo. Eŋoi iŋes ka itijikini ŋituŋa ŋulu ka Akuj; ani eboŋori iŋes, itoodiuni amina keŋ neni a ŋituŋa a ŋulu adaut akiŋier ŋituŋa ŋulu ka Akuj.

Yona 1:3

Nai abu Yona tonyou tolot Tarisis erae ŋolo eŋerit ŋuna abala Ekapolon. Aŋun, abu totiyaiyar Yopa, toryamu ameeli ŋina alosi Tarisis, totac ŋisiliŋa ŋuludoket, toloma tooma keŋ, ikotere erukorete Tarisis ka ŋituŋa ŋulu alosete inaa, anerae aŋerit iŋes akiwuap acamit ke Ekapolon.

Ekim. 24:24

Nai epote ŋameeli alo Kitim, toremo Asur ka Eber; tosodi Kitim daŋ inyasunio toŋopiya ŋikaru ka ŋikaru.”

Luk. 10:13

“Ekaŋ iyoŋ Korasin! Ekaŋ iyoŋ Betesaida! Anerae kerae koloŋ kitiyatetei ŋakujuwuanisya ŋuna etiyakin aneni kus alo Tiro ka Sidon, kekiito ikes koloŋ sek, tonapa ŋilowi ŋulu koris, ido kiwosakinos ekuron, kitoodiuniata atemar akiwua ikes ŋasecisya!

Yos. 19:29

kilugoyo nai ekukoru a nen kidir Rama, tomyaa Tiro lotaun ŋolo awuat arwatata ŋina adukuk nooi, kilugok a nen kidir Osa kiropu ananam anakiboisyo a nu: Meelab, Akisib,