Isa. 22:7 - Ebaibul

⁷ Eleleba ŋagaari ŋuna eritae a ŋaŋolei nakadipaalae kon ŋuna ajokak a ŋalup ka apotu ŋasigarya ŋuna ameto ŋaŋolei torebuwasi ŋipukei a ŋitaunio.

Isa. 22:7 Iomraidhean Croise

Isa. 22:6

Apotu ŋasigarya a Elam potu etiŋito ŋatorosya a ŋikaleŋeleŋe, emeto ŋagaari ŋuna iritae a ŋaŋolei ka eyakatar ŋasigarya ŋuna ameto ŋaŋolei, apotu ŋasigarya a Kir kisileereut ŋaupala kec.

Isa. 22:8

Enyasun ŋarwatatain ŋuna sek eiunito ŋituŋa a Yudaya. Akoloŋit ŋin ipotu iyes kiwara ŋiboro ŋulujiet alokai a ŋina ka Amoni,

Isa. 37:34

Emekini iŋes eboŋori erot ŋolopei sek amyat ebuni, nyelomuni iŋes lotaun lo.

Yer. 1:15

Anyaraunit ayoŋ tokona ŋituŋa a ŋikabilae daadaŋ a ŋapukasinei a ŋuna alo Kuju, tosodi epote ikes, ido iwuakinete ŋirwosi kec daadaŋ ŋikicoloŋo kec ŋulukipukaet lopukei a Yerusalem imanito ŋarwatatain ŋuna ewuato iŋes daadaŋ ka imanito ŋitaunio a Yudaya daadaŋ.

Esek. 4:2

Kisitiya ŋitorubei lu akitoodiunia akirikauno a Yerusalem: Kiwuak ibore ŋini irikaunit amatapal ŋin, kiwuak akititis ŋina edokarit narwatata ke etaun, totukono ŋiboorei ŋulu esibit ŋituŋa ŋulu eurumikinito etaun ŋol ka kiwuanak nawaetin a etaun a ŋol daadaŋ ŋiboorei ŋulubwaŋabwaŋaet arwatata keŋ.

Esek. 4:3

Tolemu asaani ŋina erae asuwat kiwuak kidiŋ kon ke etaun erae arwatata ŋina eyai kidiŋ iyoŋ ke etaun. Emaikina iyoŋ kiŋoliya lotaun, kiŋolik iŋes erae ŋolo irikaunitae, torae iyoŋ pei irikaunit iŋes. Erae ŋol epite ŋolo itoodikinitere Ŋisirael ŋakiro ŋuna itiyakin.