Isa. 22:13 - Ebaibul

¹³ nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 22:13 Iomraidhean Croise

Isa. 26:10

Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Isa. 29:1

Ekaŋ iyoŋ Ariel, Ariel, etaun ŋolo abu Daudi kiboikin! Kimoryanak ŋikaru elunyanar a ŋipeipei, kimyek ŋasuban daadaŋ ŋuna a ŋolokaru torubakinae itiyao.

Isa. 47:8

“Aŋun tokona kiirasi ŋakiro nu, iyes ŋulu iminasi ŋakiro ŋuna ikitalakarito iyes ŋikulepek, iyes ŋulu iboiyete emam ŋace, iyes ŋulu itamete make alotai kus ebe, ‘Ayai ayoŋ ikikwaan ka Akuj, emam ice mati ayoŋ bon; nyeboikin ayoŋ esibit arae apuserut, kori nyetwakete ŋidwe kaŋ.’

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Isa. 5:22

Ekaŋ iyes ŋipiuno a epiini, iyes ŋulu idedeŋ nyikerito akinyal ŋagwe,

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

1 Ŋikor. 15:32

Inyoni nai aryamuni ayoŋ aŋuna ca ke ekibure a ituŋanan, erae ketijiye ŋituŋa ŋulu ikote ŋityaŋ ŋulu adedeŋak alo Epeso? Ani pa kiteyarun ŋikatwak, etiyata nai ikwapei elimunitere, “Emuja ka omata, anerae ikitwaki moi taparacu.”

Yak. 5:5

Iboiyoto iyes anakwap alotooma ajakao ka alakara; ituma iyes, esibit itemonokinosi aŋuna ka akoloŋit a ŋina ikiŋolere.