Isa. 22:12 - Ebaibul

¹² Apaki ŋin abu Ekapolon Akuj ŋolo a ŋajoresyo ikinyarau iyes akigworo ka akiolol, akibany ŋitim kus ka akinap ŋiguniyae,

Isa. 22:12 Iomraidhean Croise

2 Ŋakiro a ŋirwa 35:25

Abu Yeremia toe ŋieosyo ŋulu kigworet aŋuna a Yosia ka akitodol akoloŋit na, eosi ŋikilyok ka ŋaberu ŋulu eyenete aeo ŋieosyo ŋul etamunito Yosia, apotu kituruwosi ŋun etal alo Isirael ka igiritae lokitaabo ŋolo a ŋieosyo a ŋulu ka akiwolol.

Esir 9:3

Apaki ŋina eirarya ayoŋ ŋakiro ŋun, abu ocil akaulat kaŋ ka elou kaŋ ka orut ŋitim anakou kaŋ ka alopenek kaŋ, eboikin akabulit.”

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Yob 1:20

Abu nai Yob tonyou, tocil ekaaso keŋ, tobanya ŋitim anakou keŋ, toramakin kwap ido kilip.

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Ekal. 3:4

eyai apaki ŋina igworore ka eyai apaki ŋina ekyenare; eyai apaki ŋina ka akiyaloloŋ ka eyai apaki ŋina idoŋaere;

Isa. 15:2

Aloto ŋituŋa a Dibon kai ka akuj kec, aloto ikes nakiboisyo ŋuna aoyak akigworo; Iwololoete ŋituŋa a Moab aŋuna a ŋitaunio a Nebo ka Medeba. Elurito ŋituŋa daadaŋ abanyany ŋitim ka ŋipeneka,

Isa. 26:10

Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Isa. 29:1

Ekaŋ iyoŋ Ariel, Ariel, etaun ŋolo abu Daudi kiboikin! Kimoryanak ŋikaru elunyanar a ŋipeipei, kimyek ŋasuban daadaŋ ŋuna a ŋolokaru torubakinae itiyao.

Isa. 3:24

Eyakaun nen abosis meere eure a akimyet a ŋina akukunyon, enapi ŋinituŋanan auno meere ausi, edaun anakyes kec ŋitim ŋulu sek eoitoe ejok, enapete ikes ŋiguniyae meere ŋilowi ŋulu ajokak, edaun akibuses aneni kec ka irumete ŋileec ikes.

Isa. 32:11

Iyes ŋaberu ŋuna iboiyete emam ŋace, tomarana, tomarana, iyes ŋaberu ŋuna idelasi tolacas, toruwor ŋuna ilerete, tonapa ŋiguniyae anacirin kus.

Isa. 37:1

Ani iirari Esekia ŋakiro ŋun, abu tocilicili ŋilowi keŋ, tonap ŋiguniyae, tolot Kai a Ekapolon.

Isa. 37:2

Abu iŋes kiyakiya Eliakim ŋolo apolokinit ŋiticisyo alokai ka apukan ka Sebina ekegirigiran ta ŋisacaradotin ŋulu apolok. Anapito ŋul daadaŋ ŋiguniyae, toloto neni a ekadwaran Isaya alokoku ka Amos.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Yer. 16:6

Etwakete ŋituŋa daadaŋ a akwap a na, ŋikapolok ka ŋulucaryo. Nyenukyo ikes, mam ituŋanan iwololoe aŋuna kec, mam ŋini egeri akuwan, mam akibany ŋitim aŋuna kec.

Yer. 16:8

Nyilot kai ŋina itiyaere ŋasuban kiboikinos kaapei ka ikes kimuja ka tomata,

Yer. 4:8

Aŋuna a ŋakiro a ŋun, tonapa ŋiguniyae, kiwololoto ka kigworo ibasi, ‘Eriŋa anyunyura ŋina eŋoitor Akuj nyeloto aneni kosi.’ ”

Yer. 7:29

Totubosi ŋitim kus tocakakis nariet; tocelutu iwololoete alokidiama ŋikamukumukui, anerae aŋer ka aesiki Ekapolon anyamet na ŋina abu kitenepu anyunyura keŋ.

Esek. 27:31

Ebanyete ikes ŋakyes kec aŋuna kon ka enapete ŋilowi ŋulukigworet. Ikalounete ikes aŋuna kon enomorito ŋakiro ŋitai nooi, erae akigworo ŋina apipilan.

Dan. 5:1

Abu erwosit Belisasar kitiya ŋasuban ŋuna apolok nooi aŋuna a ŋikapolok a ŋulu epukatotor iŋes a ŋulu arae aliput, apotu ikes tomata epiini kaapei.

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:8

Kigworo inapito ŋiguniyae, ikwa igworor apese ekile keŋ ŋolo ariŋa iitari iŋes.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Mika 1:16

Iyes ŋituŋa a Yudaya, tobanya ŋitim kus aŋuna a ŋidwe kus a ŋulu iminasi, tobanya ŋakyes kus toŋolyaakiata ikwa ŋuna a ŋataruk, anerae eyayio ŋidwe kus aneni kus, toruwor ŋulu a ŋakwapin a ŋace.

Yak. 5:1

Topupokisi tokona ŋakiro kaŋ, iyes ŋikabarak! Kigworo ka kiwololoto aŋuna a ŋican a ŋulu eponito neni kus!