Isa. 21:5 - Ebaibul

⁵ Esubanakinete ŋituŋa ŋimesae epetanakinete ŋakitambarae ŋuna enyamuna lomesae, imujete ka emasete. Iyes ŋikapolokinitok a ŋajoresyo tonyoutu, kiosa ka akimyet ŋaupala kus!

Isa. 21:5 Iomraidhean Croise

2 Sam. 1:21

Iyes ŋimukura ŋulu a Gilboa, nyepete ŋakopi kidiama kus, kori nyilimi akiru, nyerayete ŋimanikorin ŋulu eya neni kus! Anerae neni kus emasarere nariet aupal a ekatitinyon, aupal a Saul ŋina nyeriŋa iosyo ka akimyet.

Isa. 13:2

kikyaasi abendera ŋina ke ejie alokamukumukut a ŋolo emam ŋikito, tocelutu neni a ŋasigarya kus; kikyaasi ŋakan kus itoodiunito atemar tolomasi ikes alopukei a ŋikapolok.

Yer. 46:3

“Tosubakisi ŋaupala kus ŋuna cicik ka ŋuna apolok, ido kicodosi aŋuna ke ejie.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 51:39

Ani imuete ikes ŋagwe, ainakini ayoŋ ikes ŋagwe etemerak ikes, tari ŋina elakarator, tosodi tojotooros ŋajo ŋuna a jik, nyekyenyut nabo.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

1 Ŋikor. 15:32

Inyoni nai aryamuni ayoŋ aŋuna ca ke ekibure a ituŋanan, erae ketijiye ŋituŋa ŋulu ikote ŋityaŋ ŋulu adedeŋak alo Epeso? Ani pa kiteyarun ŋikatwak, etiyata nai ikwapei elimunitere, “Emuja ka omata, anerae ikitwaki moi taparacu.”