Isa. 20:4 - Ebaibul

⁴ ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Isa. 20:4 Iomraidhean Croise

2 Sam. 10:4

Aŋun, abu Anun kikama ŋituŋa ŋulu eyakit Daudi, tobanya epeiwae epenek a ŋinituŋanan a ŋul, totubo ŋilowi kec alokidiŋ anacirin, ido kirita ikes toloto nariet.

1 Ŋakiro a ŋirwa 19:4

Aŋun, abu Anun kikama ŋituŋa ŋulu eyakit Daudi, tobanya ŋipeneka kec, totub ŋilowi kec alokidiŋ anacirin, ido kirita ikes toloto nariet;

Isa. 19:4

Epotokini ayoŋ Ŋijipitian napedor a ituŋanan ŋini agogoŋon ka akou, ipukae ikes erwosit ŋolo adedeŋan.” Ekapolon ŋolo a ŋajoresyo iŋes alimu ŋakiro ŋun.

Isa. 3:17

“Aŋun, itolomuni Ekapolon ŋajemei anakyes ikec, itorotokini ikes emam ŋilowi enapito anacirin.”

Isa. 31:2

Toyenete rika atemar eos Ekapolon ka eyauni ŋican, nyeesyanakini ŋakiro ŋuna elimuni, nai eremokin ŋikalya a ŋulu itiyaete aronis ka eremokin ŋikeŋarakinitok a ŋulu asecak.

Isa. 31:3

Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Isa. 47:2

Tolemutu ŋamoru ŋunakiryeet, kiryeut akimuj, tolemasi ŋakitambarae anakyes kus, tolacasi ŋikaasoi kus, tolacasi ŋamuk anakejen kus, todoka ŋaŋololin.

Isa. 47:3

Ilerokinete iyes alokiŋaren ŋituŋa ka iŋolikinete ŋituŋa ŋileec kus. Alosi ayoŋ akinyaŋar, tosodi mam ituŋanan aesikini ayoŋ.

Yer. 13:22

Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Yer. 13:26

Ayoŋ elope alacari ŋilowi kus ekemyek iyes ilerete kiŋolikis ŋituŋa ŋileec kus.

Yer. 46:19

Toena ŋiboro kus aŋuna ka arikoro, okoe iyes ŋituŋa ŋulu iboiyete alo Ijipit Ituruworyo Mempis ekoŋinait, ereŋorot neni emam ŋituŋa eyakasi.

Yer. 46:26

Epotokini ayoŋ ikes neni a ŋulu imanito akiyar kec, neni a erwosit Nebukadinesar a ŋolo a Babilon ka neni a ŋikapolok a ŋulu ipukatotor iŋes. Ekaku, epote ŋituŋa akiboi alo Ijipit lopite ŋolo ayakatar alorwa a ŋulu a koloŋ.”

Esek. 30:18

Emini akiryonut naparan lotaun Teapanes apaki ŋin ŋina alemarya ayoŋ agogoŋu aneni a Ŋijipitian, esaluni agogoŋu keŋ ŋina ituror iŋes. erapuwaryo Teapanes a ŋidouwon ka ikamaryo ŋirerya ŋulu idunyatar iŋes torikoe ŋituŋa kec.

Amos 9:7

“Ebala Ekapolon, ‘Okoe Ŋisirael, nyikwaan mono iyes ka ŋituŋa ka Esiopia a? Meere mono ayoŋ ayauni Ŋisirael alo Ijipit, oyau Ŋipilistin alo Kapitor ka oyau Ŋiarameani alo Kir a?

Mika 1:11

Toema nakwapin ŋace, iyes ŋituŋa a Sapir toema ilerete ka ikirumito ŋileec. Emaikina ŋulu iboiyete alo Saanan, nyikatakis alomun alotaun kec. Ani iirarete iyes ŋituŋa a Bes-Esel igworosi, iyenunete iyes atemar mam epite ŋolo eemere akiŋop nen.

Naum 3:10

Kikote neni daŋ, aponi torikoroe ŋituŋa a Tebes nakwapin, kituruworoe ikes ŋipi. toaranakinae ŋidwe kec nakiryamiryamet a ŋirotin, torikonoroe ŋikapolok a ŋituŋa keŋ eenitae a ŋiriko, kilamilama ŋikarikorok kec totedoreta ŋini eai edyo a ŋikapolok a ŋul.

Sepan. 2:12

“Iyes daŋ Ŋikusi, ikiaryo iyes ke ekileŋ.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.