Isa. 20:1 - Ebaibul

¹ Alokaru a ŋolo abunio ekapolokiniton ŋasigarya ka Asiriya ŋolo eyakuunit Sarigon erwosit ka Asiriya Acidod neni abu ekapolokiniton a ŋasigarya ŋol torem, ido kikama,

Isa. 20:1 Iomraidhean Croise

2 Ŋirw. 18:17

Kiyakiya erwosit ŋolo ka Asiriya neni ke Esekia a ŋolo ayai Yerusalem ŋikapolok ŋulu a ŋasigarya keŋ ŋiuni, ŋolo apolokinit daadaŋ ka ŋolo ewuapit ŋol ta ŋolo apol alojie. Arukito ikes ka ŋasigarya ŋuna alalak nooi ŋuna arukorete ka ikes alotaun Lakis. Potu ikes tari Yerusalem, towua anadoketa aŋuna ka abwal a ŋina ayai neni amukur, lorukude ŋolo alosi neni adonyere ŋilowi.

2 Ŋakiro a ŋirwa 26:6

Abu Usia tolot akitijikin Ŋipilistin, tobwaŋabwaŋaa ŋarwatatain ŋuna ke etaun Gas ka ŋuna ke etaun Yabine ta ŋuna ke etaun Acidod ka abu todukok ŋitaunio diyete Acidod ka iwace anakwap a Ŋipilistin.

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Yer. 25:20

ŋituŋa ŋulu inyalal daadaŋ, ŋirwosi daadaŋ ŋulu ka akwap a Us, ŋirwosi daadaŋ ŋulu ka akwap a Ŋipilistin, ikes Askelon, Gasa, Ekiron, ŋipiya ŋulu ka Acidod;

Amos 1:8

Amunyari ayoŋ ŋituŋa daadaŋ ŋulu iboiyete alotaun Acidod, kaapei ka erwosit ka Asikelon; esicani ayoŋ ŋituŋa ŋulu iboiyete alotaun Ekiron, emunyar ŋipiya a Ŋipilistin daadaŋ.”

Yos. 11:22

Mam Ŋianakim tari ipei ŋini abu kidoŋ nakwap a Isirael, nai apotu ŋidikudyo kidoŋo Gasa ka Gat ta Acidod.

1 Sam. 5:1

Ani kedemasi Ŋipilistin Ŋisirael Asaduku ŋina ka Akuj, apotu yaasi alo Ebenesa yaasi Asidod,

1 Sam. 6:17

Ŋitorubei ŋulu etiyaunitae a egolid ŋulu ekwaan ka ŋabusyo ŋulu apotu Ŋipilistin yaasi neni ke Ekapolon erae ainakinet ŋina a ekaile a ŋolo ka asecit kec ikes nu: Ayaunitae apei aŋuna ka Asidod, apei aŋuna a Gasa, apei aŋuna ka Asikelon, apei aŋuna a Gas ka apei aŋuna ka Ekiron.