Isa. 2:9 - Ebaibul

⁹ Aŋun, itiditeunio ŋituŋa ka ituruworyo ŋituŋa daadaŋ ŋicaryo. Nai nyitopoloo ikes Ekapolon.

Isa. 2:9 Iomraidhean Croise

Neem. 4:5

Nyijamak asecit kec, ido nyikisa asecit kec alokiŋaren kon, anerae iyanyete ikes ŋikadukok.

Ŋikiru. 49:2

iyes ŋulucaryo ka ŋikapolok ta iyes ŋikabarak ka ŋikulyak kaapei.

Ŋikiru. 59:5

Okoe Ekapolon Akuj ŋina Etiron, Akuj a Isirael, bua kisican ŋakwapin daadaŋ, nyitoodik akisyon adio neni a ŋulu aronok a ŋulu etukete akitiya aronis.

Ŋikiru. 62:9

Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 5:15

Etiditeun ŋituŋa, etiditeun ŋituŋa daadaŋ, esirumi ŋulu iturosi ŋileec.

Isa. 5:16

Nai itopoloryo Ekapolon ŋolo a ŋajoresyo anakitub ŋakiro anakiyookino, ka itoodiunit Akuj ŋina Asegan asegis keŋ anakiyookino.

Isa. 57:9

Ipotu iyes toloto neni a Molek itiŋito akimyet ka ipotu kitalalata ŋamyeta ŋuna akukunyok. Ipotu iyes kiyakiyasi ŋituŋa neni alwanan, ipotu kiyakiyasi tari tooma nakibois a ŋikatwak.

Yer. 18:23

Okoe Ekapolon, iyeni iyoŋ atemar atukut ikes akiar ayoŋ. Nyisyon ikes anasecit kec, nyiesik akisican ikes aŋuna ka asecit kec. Kimyek kilounae ikes alokiŋaren kon; kisican ikes apaki ŋina iŋoitor iyoŋ.”

Mar. 3:29

Nai iŋes ŋini iyanyi Etau ŋolo Asegan, nyisyoniyo jik, anerae asec iŋes asecit ŋina nyisyoniyeneneo.”

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:23

Nai kire ŋikisila ŋulu ikote ŋul, etakanete esibito ŋulu ka aosou alopite a ŋolo itiŋakinitotor ikes ŋituŋa akilip neni a ŋimalaikan ka akitiditeuna ŋina ka alyokonu ta akisican akuwan; nai emamukatar ikes ajokis adio daŋ ŋina epolokinitotor ekibure ŋolo ka akuwan.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.