Isa. 2:21 - Ebaibul

²¹ Elomarete ŋituŋa nakabaae a ŋatabab ka naŋici a ŋatabab aŋuna ka anyunyura a Ekapolon ka aŋuna a akica keŋ a ŋina ailiilon apaki ŋina ebunio iŋes akiteryairyakin akwap.

Isa. 2:21 Iomraidhean Croise

2 Sam. 22:46

Apotu ŋitai a ŋituŋa a ŋulugelae tolilimiyosi; potu ikes neni kaŋ emaranete, anakiboisyo a ŋuna sek eboiyoto emam akuryanu.

Yob 30:6

Apotu ikes toruwor ŋulu aperete nacuuro ka nayona, apotu ikes toruwor ŋulu eboiyete anaduyon ka anatabab.

Yob 9:6

iloiloonokini Akuj akwap, ido tomaranikis ŋipirin ŋulu ewoiya akwap,

Awos. 33:22

Ani esitoruni ayoŋ akica kaŋ kiŋaren kon, ekewuakini ayoŋ iyoŋ nakabaat a ataaba, ido okorap a akan kaŋ, akitodol ŋina alunyaror ayoŋ;

Eete a Ŋie. 2:14

Okoe ŋolominat kaŋ, ani iyai iyoŋ naŋici a ŋatabab ka nagoloi a ŋatabab, kimyekinae ayoŋ eŋolik ereet kon, kimyekinae ayoŋ eira etoil kon, anerae akabobokinit ayoŋ akiirar etoil kon ka akajoikinit ayoŋ akiŋolikin ereet kon.

Isa. 2:10

Iyes ŋituŋa a Yakob, tolomasi natabab toŋopa alokwap anacukulei; toŋopa ikuryaka aŋuna a Ekapolon ka aŋuna ka apolou keŋ a ŋina ailiilon.

Isa. 2:19

Elomarete ŋituŋa naturukanin a ŋatabab ka elomarete ŋituŋa naduyon aŋuna ka anyunyura a Ekapolon ka aŋuna a akica keŋ a ŋina ailiilon, apaki ŋina ebunio iŋes akiteryairyakin akwap.

Isa. 24:18

Ŋini daadaŋ eemi aŋuna ke ekabule, ibusokin nakipany, ŋini daadaŋ edokuni anakipany, ikamaryo; anerae eŋaara ŋirotin daadaŋ ŋulu ebuneneo akiru ka emaranikinete ŋawoeta ŋuna ka akwap.

Isa. 33:10

Irworo Ekapolon ebala, “Anyouni tokona ayoŋ, eketuruworyo tokona ayoŋ Ekapolon, eketopolooryo tokona ayoŋ.

Isa. 7:19

Epote ikes daadaŋ kiboiyoto anayona a ŋuna eya nakadipaalae, aneni etyakatyaka anatabab, anamon a ŋuna a ŋikukwa ka neni daadaŋ edakasi ŋibaren.

Yer. 16:16

Eyakiyari tokona ayoŋ ŋituŋa ŋulu alalak toloto kiriut ikes aneni eya a daadaŋ, ido ekaku, eyakiya ŋikerikak toloto tocunut ikes alomoru a daadaŋ, alokamukumukui a daadaŋ ka anaŋiceta a ŋatabab,

Osea 10:8

Emunaaryo ŋakiboisyo ŋuna aoyak ŋuna eya Apen, ŋakiboisyo ŋuna aponeta Ŋisirael toseceta. Erupunete ŋinya ka ŋikukwa anamuroeta kec. Etemarete ikes neni a ŋimoru, “Kiwuae isua” ka etemarete ikes neni a ŋikamukumukui, “Toritaunosi neni kosi.”