Isa. 2:12 - Ebaibul

¹² Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 2:12 Iomraidhean Croise

2 Sam. 22:28

Iiununui iyoŋ ŋituŋa ŋulu itiditeuna make, nai itiditeununi iyoŋ ŋiketurok.

Yob 24:1

“Kirworik nai Yob tema, Kaanukiro nyiwuakinitor Akuj ŋina etiron apaki ŋina etubio ŋakiro a ŋituŋa? Kaanukiro nyiteoto ŋulu eyenete Akuj ŋirwa ŋul?

Ŋikiru. 131:1

Okoe Ekapolon, nyeturo ayoŋ, nyetoodiuna ayoŋ arae ŋolo etopolooro; nyedaŋakina ayoŋ akitiya ŋuna apolok nooi, kori ŋuna nyapedorit ayoŋ akitiya.

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 37:13

nai ite Ekapolon ŋulu aronok erae ŋikoŋinae, anerae eyeni atemar ebunit akoloŋit ŋina emunyarere ikes.

Ŋikiru. 94:2

Tonyou kareca, okoe ekatubon a ŋakiro a ŋituŋa, kisican ŋiketurok lopite ŋolo emaikina kisicanere.

Ŋakit. 16:5

Esiilyaka aneni a Ekapolon ŋituŋa daadaŋ ŋulu erae ŋiketurok, ŋituŋa, toyenete atemar nyebucarosi ŋulu aronok anakisicanio.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:33

Kiirasi, ielielaari Ekapolon ŋolo a ŋajoresyo ŋasigarya ka Asiriya ka apedor keŋ a ŋina apolon nooi. Emunyari Ekapolon ŋikarikok a ŋasigarya ka Asiriya, ituruwori Ekapolon ŋulu eturok ŋulu itiditeuna bon.

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 13:9

Kiirasi, adolu akoloŋit ŋina ke Ekapolon, akoloŋit ŋina ka adedeŋu, ŋina ka anyunyura ka aŋoit ŋina amunyaran. Erae akoloŋit ŋin ŋina ituruworere akwap ŋina a silon ŋina emunyarere ŋikasecak anakwap.

Isa. 14:15

Nai ikitiyaun iyoŋ nakibois a ŋikatwak, ikitiyaun iyoŋ nakipany ŋina ecukul nooi.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Isa. 24:21

Akoloŋit ŋin isicani Ekapolon ŋapedorosyo ŋuna alokidiama ka isicani Ekapolon alokwap ŋirwosi ŋulu ka akwap.

Isa. 24:4

Eoni akwap ka erinyiyori ibore daadaŋ. Eruwor akwap akoŋinait ka erinyiyori ibore daadaŋ. Eruwor kidiama akoŋinait kaapei ka akwap.

Isa. 40:23

Ituruwonori iŋes ŋirwosi ŋikoŋinae, ituruwonori ŋikepukak a ŋakwapin ŋicaryo.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 5:15

Etiditeun ŋituŋa, etiditeun ŋituŋa daadaŋ, esirumi ŋulu iturosi ŋileec.

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Yer. 12:9

Ikwaan ŋituŋa kaŋ ka ikenyit ŋini irimokinito ŋigolei kidiŋ ecamito akikamun iŋes. Potu, tonyarautu ŋityaŋ ŋulu ka ariet, yautu ikes, tomunyasi ŋituŋa lu.

Yer. 13:9

“Ŋakiro kaŋ ikes nu: Amunaari ayoŋ akituro a ŋituŋa a Yudaya ka akituro a ŋituŋa a Yerusalem lopite ŋolo amunaaror elou ŋol.

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Yer. 46:10

Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Esek. 13:5

Nyitipeiyoro iyes neni eukonoro anarwatata alotaun kus, kori nyedukokina iyes nabo neni eukoro anarwatata aŋuna a Ŋisirael, ikotere arwatata ŋin eiuni Ŋisirael apaki ŋina ke ejie a ŋolo ebuni akoloŋit ŋina ke Ekapolon.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Amos 5:18

“Ekaŋ iyes ŋulu iitanito akoloŋit ŋina ka Akuj! Anijokis iryamunete iyes akoloŋit ŋina ke Ekapolon? Eruwor akoloŋit ŋin ŋina ka akiryonut meere ŋina ka akica.

Mika 2:3

Aŋun, ebala Ekapolon ebe, “Aye ayoŋ ayaun ŋican lotuŋa ŋul; ido nyibucarosi iyes alocan a ŋul. Nyirubakinete iyes ilosete iturosi, anerae eruwor apaki ŋin ŋina aronon.

Mika 5:11

Amunaari ayoŋ ŋitaunio ŋulu anakwap kus, oukonok kwap ŋaduketa ŋuna ijioto iyes.

Sepan. 1:16

akoloŋit ŋina ituruunere arupepe ka ŋina eramakinere eli ŋolo itijikinere ŋitaunio ŋulu edukuk nooi ka ŋituŋa ŋulu eya naduketa ŋuna aoyak nooi, ŋuna ejiere.”

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mal. 4:5

“Kiirasi, eyakuuni ayoŋ ekadwaran Eliya neni kus eriŋa nyedolo akoloŋit ŋina ke Ekapolon, akoloŋit ŋin ŋina apolon nooi ŋina a ŋinyas.

Mat. 23:12

Ituŋanan ŋini itopolooro bon, itiditeunio ka ŋini itiditeuna bon, itopolooryo.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

1 Ŋikor. 5:5

Itemokino iyes nai apaki ŋin kipotokis ituŋanan ŋin neni a Satan, ikotere kinyasunae akuwan keŋ, ido toiunae etau keŋ Akoloŋit ŋina ke Ekapolon.

1 Ŋites. 5:2

Anerae iyenete iyes ŋilopeyek ejok nooi atemar ebuni Akoloŋit ŋina ke Ekapolon ikoni neni ebunio ekokolan nakwaare.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”