Isa. 2:11 - Ebaibul

¹¹ Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:11 Iomraidhean Croise

2 Sam. 22:28

Iiununui iyoŋ ŋituŋa ŋulu itiditeuna make, nai itiditeununi iyoŋ ŋiketurok.

Ŋikiru. 18:27

Iiununi iyoŋ ŋituŋa ŋulu itiditeuna make, nai itiditeununui iyoŋ ŋulu iturosi.

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 20:8

Ekakariyarosi ikes kibusokin aŋuna elounere, nai ikinyouni isua owua etiirata aŋuna ikilounia.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 94:2

Tonyou kareca, okoe ekatubon a ŋakiro a ŋituŋa, kisican ŋiketurok lopite ŋolo emaikina kisicanere.

Ŋakit. 16:5

Esiilyaka aneni a Ekapolon ŋituŋa daadaŋ ŋulu erae ŋiketurok, ŋituŋa, toyenete atemar nyebucarosi ŋulu aronok anakisicanio.

Ŋakit. 30:13

Eyakasi ŋituŋa ŋulu etamete atemar ikijokak nooi, okoe etya ajokis ŋina etamete ikes atemar ikijokak ai!

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 12:4

Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

Isa. 13:11

Irworo Ekapolon ebala, “Esicani ayoŋ akwap aŋuna ka asecit, esicani ŋulu aronok aŋuna a ŋasecisya kec etasaluni ayoŋ akituro ŋina a ŋikesupak ka eturuwori ayoŋ ŋiryenyaanotin ŋulu iapara.

Isa. 14:15

Nai ikitiyaun iyoŋ nakibois a ŋikatwak, ikitiyaun iyoŋ nakipany ŋina ecukul nooi.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Isa. 24:21

Akoloŋit ŋin isicani Ekapolon ŋapedorosyo ŋuna alokidiama ka isicani Ekapolon alokwap ŋirwosi ŋulu ka akwap.

Isa. 25:9

Akoloŋit ŋin, etemaryo, “Kiŋolikisi, erae na Akuj yok; aponi iwon kidarae iŋes ikotere ikiuni iwon. Erae lo Ekapolon ŋolo aponi iwon kidarae, olakaros ka olelyana aŋuna ikilakunia iŋes iwon.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 28:5

Akoloŋit ŋin eruwor Ekapolon ŋolo a ŋajoresyo aikit a ŋatur ŋina apolon ka ebokot ŋolo ka akibuses aneni a ŋipiya a ŋituŋa keŋ,

Isa. 29:18

Akoloŋit ŋin, iirarete ŋikiŋimanotin ŋakiro ŋuna igiritae lokitaabo, ido anakiyaloloŋ kec ka anakiryonut iŋolikinete ŋakonyen a ŋimudukanotin.

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 4:1

Akoloŋit ŋin, ikamunete ŋaberu ŋakanikaarei ekile epei temasi, “Ikimuji isua akimuj kosi a ŋilopeyek ka ikinapi ŋilowi kosi a ŋilopeyek, nai tocamu itonyarae isua ŋaberu kon, ikotere elemarotor ŋileec kosi.”

Isa. 40:23

Ituruwonori iŋes ŋirwosi ŋikoŋinae, ituruwonori ŋikepukak a ŋakwapin ŋicaryo.

Isa. 52:6

Aŋun, eyenunete ŋituŋa kaŋ atemar arae ayoŋ Akuj akoloŋit ŋin eyenunete ikes atemar abu ayoŋ erwor ŋun, kire arae ayoŋ.”

Yer. 12:9

Ikwaan ŋituŋa kaŋ ka ikenyit ŋini irimokinito ŋigolei kidiŋ ecamito akikamun iŋes. Potu, tonyarautu ŋityaŋ ŋulu ka ariet, yautu ikes, tomunyasi ŋituŋa lu.

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Esek. 38:14

“Aŋun lokoku a ituŋanan, todwar, tolimok Gog atemar, iŋita Ekapolon Akuj ebe, ‘Ilosi iyoŋ kire akitijikin ŋituŋa kaŋ Ŋisirael apaki ŋina iboiyoto ikes emam ŋace a?

Esek. 38:19

Analilit ka anaŋoit a ŋina anyunyurar ayoŋ, alimu ayoŋ atemar akoloŋit ŋina ebunio Gog akirem akwap a Isirael, eyakaun amaran ŋina apolon nooi neni a Ŋisirael.

Esek. 39:11

Abu Ekapolon tema, “Akoloŋit ŋin, ainakini ayoŋ Gog akibois ŋina enukakinio alo Isirael, ainakini ayoŋ iŋes akibois ŋin anakadipaalat a ŋikalotok, Kide Anam ŋina Atwan. Ekuryakiata ŋikalotok akitor nakadipaalat ŋin, anerae arae nen aponi tonukakinae Gog ka ŋajoresyo keŋ daadaŋ; enyarao akadipaalat ŋina ka Amon-Gog.

Esek. 39:22

Ameun akoloŋit ŋin tari lorwa ŋulu eponito, eyenunete Ŋisirael atemar arae ayoŋ Ekapolon Akuj kec.

Dan. 4:34

Ani elunyar apaki ŋin, abu ayoŋ Nebukadinesar ereo nakuj, abu ayoŋ oyenu ŋakiro nabo. Abu ayoŋ epur Akuj ŋina alokidiama nooi, abu epur ka etopoloo Akuj ŋina eyari ŋikaru ka ŋikaru, Abu ayoŋ etiya ŋun, anerae erae apolou keŋ ŋina a ŋikaru ka ŋikaru ka iboi apukan keŋ ŋanyameta ka ŋanyameta.

Osea 2:16

Alimu Ekapolon atemar, akoloŋit ŋin, ikinyarae iyoŋ ayoŋ, “Ekile kaŋ”, nyeriŋa nabo iyoŋ ikinyarae ayoŋ, “Baal kaŋ.”

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Osea 2:21

Ebala Ekapolon, “Akoloŋit ŋin aboŋokini ayoŋ ŋakilipasinei a Ŋisirael, emyekini ayoŋ akiru kilim nakwap.

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Obad. 1:8

Ebala Ekapolon, “Akoloŋit ŋin, nyamunyari mono ayoŋ ŋikaosok alotooma Edom a? Nyamunyari mono ayoŋ alomoru a ŋulu ke Esau ŋulu epatana ayenun ŋakiro a?

Mika 2:3

Aŋun, ebala Ekapolon ebe, “Aye ayoŋ ayaun ŋican lotuŋa ŋul; ido nyibucarosi iyes alocan a ŋul. Nyirubakinete iyes ilosete iturosi, anerae eruwor apaki ŋin ŋina aronon.

Mika 4:6

Alimu Ekapolon ebe, “Ani edoli akoloŋit ŋin, acunakini ayoŋ ŋikaŋwalak, acunakini ayoŋ ŋulu ealar nakwapin ka ŋulu eteryamu ayoŋ ŋican.

Mika 5:10

Ebala Ekapolon ebe, “Ani edoli akoloŋit ŋin, alemari ayoŋ ŋaŋolei kus, amunaari ayoŋ ŋagaari kus.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Sepan. 3:16

Akoloŋit ŋin, elimokinio ŋituŋa a Yerusalem, ‘Nyikibul iyes ŋituŋa a Sion; nyicamut apalagu emini neni kus.

Sakar 9:16

“Ani edoluni akoloŋit ŋin, eiuni Ekapolon Akuj ŋituŋa keŋ lopite ŋolo eiunia ekeyokon ŋamesekin keŋ alocan. Ileereunete ikes anakwap ke Ekapolon a Akuj ikwa ŋasuwa ŋuna amilimilak ŋuna inaminamitae lobokot.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

2 Ŋikor. 10:17

Nai ikwapei ebaakatar Ŋakigireta ebe, “Iŋes ŋini ituro, kiturokin aŋuna etiya Ekapolon.”

2 Ŋikor. 10:5

Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”