Isa. 19:4 - Ebaibul

⁴ Epotokini ayoŋ Ŋijipitian napedor a ituŋanan ŋini agogoŋon ka akou, ipukae ikes erwosit ŋolo adedeŋan.” Ekapolon ŋolo a ŋajoresyo iŋes alimu ŋakiro ŋun.

Isa. 19:4 Iomraidhean Croise

Ŋikiru. 31:8

Nyejalakina iyoŋ ayoŋ neni a ŋimoe kaŋ; nai ikicamak iyoŋ ayoŋ alosi neni daadaŋ acamit.

Isa. 19:2

Etidiŋakini ayoŋ Ŋijipitian make, ido ejikinosi ikes make, ejikinosi ikidunyet ka ikidunyet, ejikinosi ŋituŋa a etaun a epei ka ŋituŋa a ŋoloce, ejikinosi ŋituŋa a apukan ka apei ka ŋulu a ŋinace.

Isa. 20:3

Tema nai Ekapolon, “Lopite ŋolo alosyo eketiyan kaŋ Isaya eleri ka pa enapit ŋamuk ŋikaru ŋiuni ikwapei akitoodikinet ka aumokinet neni a ŋituŋa a Ijipit ka Esiopia,

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Yer. 46:26

Epotokini ayoŋ ikes neni a ŋulu imanito akiyar kec, neni a erwosit Nebukadinesar a ŋolo a Babilon ka neni a ŋikapolok a ŋulu ipukatotor iŋes. Ekaku, epote ŋituŋa akiboi alo Ijipit lopite ŋolo ayakatar alorwa a ŋulu a koloŋ.”

Esek. 29:19

Aŋun, alimu Ekapolon Akuj ŋakiro nu ebe, ‘Alosi ayoŋ akipotokin Ijipit neni a Nebukadinesar a erwosit a Babilon, ikotere ya ebari a Ijipit, tolema ka toŋata ŋiboro a Ijipit toruwor eropit ŋolo a ŋasigarya keŋ.

Esek. 30:12

Etooniyori ayoŋ ŋakitelesyo a ŋakipi kon, epotok Ijipit neni a ŋulu epote akirem iŋes; ayauni ayoŋ ŋituŋa ŋulugelae yaut ekasile nakwap a Ijipit, kituruwosi ibore daadaŋ ŋini eyai Ijipit ikoŋinait. Ayoŋ Ekapolon alimu ŋun.

Naum 3:10

Kikote neni daŋ, aponi torikoroe ŋituŋa a Tebes nakwapin, kituruworoe ikes ŋipi. toaranakinae ŋidwe kec nakiryamiryamet a ŋirotin, torikonoroe ŋikapolok a ŋituŋa keŋ eenitae a ŋiriko, kilamilama ŋikarikorok kec totedoreta ŋini eai edyo a ŋikapolok a ŋul.

1 Sam. 23:7

Ani elimokinio Saul atemar alot Daudi Keila, abu Saul tema, “Ewuak Akuj ŋol napedor kaŋ, anerae acakari bon aloma tooma etaun ŋolo eya ŋipukei ŋulu egolio a ŋasuwa.”