Isa. 19:3 - Ebaibul

³ Ekadakini Ŋijipitian, ido eruwor ŋakiro ŋuna eyeunete ikes ŋacaryo; elosete ikes akiŋita ŋakiro aneni a ŋitorubei a ŋakujo, aneni a ŋitai a ŋikatwak ka aneni a ŋimurok ta aneni a ŋililae,

Isa. 19:3 Iomraidhean Croise

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

2 Ŋirw. 1:2

Abu erwosit Aasia ŋolo a Isirael tocakun alogoropa keŋ alo Samaria towana nooi, ido eperi. Aŋun kiyakiya iŋes ŋituŋa tolimok ikes tema, “Toloto neni a Baalsebub a ŋina erae akuj a Ŋipilistin, a ŋina eyai lotaun Ekiron, tosodo kiŋita iŋes erae kapedori ayoŋ aŋaleun, kori mam.”

1 Ŋakiro a ŋirwa 10:13

Abu Saul totwana, anerae pa ekinyomit iŋes Akuj; pa ewuapit iŋes ŋakiro ŋuna ke Ekapolon, abu daŋ tolot neni a ŋimurok aanyun ŋuna kitiyakina.

Ŋikiru. 107:27

Apotu ikes kibusonokin ka kiryaŋanar esibit ŋulu emerasi, abu apiiryanut kec todaun.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋikiru. 76:12

Einanakini Akuj ŋikepukak ŋulu eturok aruwor ŋulu ecaryooko; ekerito iŋes ŋirwosi ŋulu ka akwap.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 14:27

Ayeu Ekapolon ŋolo a ŋajoresyo akitiya ŋun Ŋae epedori akiretakin iŋes? Isicani tokona iŋes ŋituŋa ka Asiriya. Ŋae epedori akisimyekin iŋes ŋun?”

Isa. 15:2

Aloto ŋituŋa a Dibon kai ka akuj kec, aloto ikes nakiboisyo ŋuna aoyak akigworo; Iwololoete ŋituŋa a Moab aŋuna a ŋitaunio a Nebo ka Medeba. Elurito ŋituŋa daadaŋ abanyany ŋitim ka ŋipeneka,

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 44:25

Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Isa. 47:12

“Torubakisi ikinyomito neni a ŋimurok a ŋulu enyaraununeete ŋimuno ka neni a ŋikekukujak, a ŋulu ipotu iyes inakinos neni kec ŋinapei eriŋa iyes irae ŋisorok; acepaki itiyaete ejok anakiyar kus, acepaki ipedorete akitubul ŋimoe kus.

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 8:19

Ani tokona ketemasi iyoŋ ŋituŋa ebe, “Kiŋitutu ŋakiro aneni a ŋipyan ka aneni a ŋililae a ŋulu iŋaiŋaasi ka iŋunuŋunosi, nyemaikina mono ŋituŋa kiŋitut ŋakiro aneni a ŋakujo kec aŋuna a ŋituŋa a ŋulu eyarete

Yer. 46:15

Kaanukiro emasakinere akuj kus Apis kwap? Kaanukiro pa arubakinia ewoi akuj ŋina erae agogoŋu kus? Pa apedorit arubakin ewoi, anerae emasak Ekapolon iŋes kwap.

Esek. 21:7

Ani kikiŋita ikes iyoŋ atemar, kaanukiro iumenio iyoŋ? toboŋok ikes atemar, aumeni ayoŋ aŋuna a ŋakiro a ŋuna eponito, apaki ŋina edolunioto ŋakiro ŋun, ekuryaketa ŋituŋa daadaŋ, epalagunete ŋakan daadaŋ, elilimiyorete ŋitai daadaŋ, edaun agogoŋu apei daŋ anakuŋin. Ebunit apaki ŋin! Itiyakin kire jik ŋakiro ŋun.’ ”

Esek. 22:14

Itamete mono iyes atemar irubakinete iyakatar atitinyu, kori agogoŋu anakan kus ŋina ipedoryata ajio akoloŋit ŋina akatapya ayoŋ iyes a? Ayoŋ Ekapolon alimu ŋun ka etiyakini ayoŋ ŋun.

Dan. 1:20

Anakiro a daadaŋ ka aosou ta anayenut daadaŋ ŋuna iŋisi erwosit ikes, abu erwosit toryamu atemar eloito ikes nooi ŋarwa ŋatomon ŋimurok ŋulu edwarete daadaŋ ka ŋimurok ŋulu a akwap keŋ.

Dan. 2:2

Aŋun, abu erwosit tolimu atemar tonyaraunae ŋikekukujak, ŋimurok ka ŋimurok ŋulu enyaraeneneete ŋimuno tolimokis iŋes ŋakiro ŋuna erujat iŋes. Ani epote ŋituŋa ŋul, apotu towua alokiŋaren erwosit.

Dan. 5:7

Kiworou erwosit ke etoil a ŋolo apolon irworo atemar yaunae ŋimurok ŋulu enyaraununeete ŋimuno, Ŋibabiloniyae, ŋimurok, tolimok erwosit ŋikaosok ŋulu a Babilon tema, “Ituŋanan ŋini epedori asyomun ŋakiro ŋuna igiritae ŋun, ido okolimok ayoŋ apolou kec, itanapikinio elou ŋolo kipurat areŋan ka eenikinio lodokole keŋ erikot ŋolo itiyaunitae a egolid ka ituruworyo iŋes ekapolon ŋolo a ŋiuni ŋolo ekewuapit ayoŋ anapukan kaŋ.”

1 Sam. 25:37

Ani nai taparacu ketwaar emeret aneni a Nabal, tolimok aberu keŋ iŋes ŋakiro daadaŋ. Kiyalaar akuwan a Nabal kiketar kikok amoru.