Isa. 19:23 - Ebaibul

²³ Akoloŋit ŋin eyakaun erot ŋolo apolon ŋolo isyakin alo Ijipit tari Asiriya, elosete ŋituŋa ka Asiriya Ijipit ka elosete ŋituŋa a Ijipit Asiriya, ilipete ŋituŋa a Ijipit kaapei ka ŋituŋa ka Asiriya.

Isa. 19:23 Iomraidhean Croise

Ŋikiru. 87:4

Alotooma ŋulu akayenete ayoŋ, emaruni ŋituŋa a ŋakwapin a nu: Ijipit ka Babilon; Pilistia daŋ ka Tiro kaapei ka Esiopia; ido etemarete ŋituŋa, “Keurunio ŋituŋa a ŋakwapin a ŋun alo Sion.”

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Isa. 19:24

Akoloŋit ŋin, eruwor Isirael ka Ijipit ta Asiriya ŋuna a ŋauni anapolou, eruworosi ikes daadaŋ ŋuna iterereŋitoe anakwap,

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 49:11

Esitori ayoŋ ŋirotin kidiŋ ŋimoru kaŋ daadaŋ ka ewuakini ŋirotin kaŋ ŋulu apolok.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 62:10

“Tolomasi alopukei, tosubakisi erot aŋuna a ŋituŋa kus, kitemokisi, kitemokisi erukude, tolemasi ŋamoru a nen, kikyaasi abendera kiŋolikis ŋituŋa a ŋakwapin.

Isa. 66:23

Ameun alolap ke epei tari lolap ŋoloce ka ameun anakoloŋit a Sabato ka apei tari ŋinace, epote ŋituŋa daadaŋ akilip neni kaŋ.

Mika 7:12

Akoloŋit ŋin, eboŋunete ŋituŋa kus neni kus. Eboŋunete alo Asiriya ka alotaunio a Ijipit, eboŋunete alo Ijipit ka Eupurate, eboŋunete ananamyo a ŋuna alwanak ka alomoru a ŋulu alwanak.