Isa. 19:22 - Ebaibul

²² Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 19:22 Iomraidhean Croise

2 Ŋirw. 20:5

“Toboŋo tolimok Esekia ŋolo epolokinit ŋituŋa kaŋ atemar ebala Ekapolon ŋolo erae Akuj a papaa kon a Daudi ebe, ‘Adau ayoŋ akiirar akigworo kon ka aanyun ŋakiyo kon; eketaŋaleuni ayoŋ iyoŋ. Kelunyar ŋirwa ŋiuni ameun akoloŋit na, ilosi iyoŋ tooma Akai ka Akuj.

Yob 22:23

Ani kiboŋu iyoŋ neni ka Akuj a ŋina etiron, ani kilema iyoŋ amamukau akiyookino alore kon,

Yob 5:18

Ikiwani Akuj, nai iŋes pei ikimadi, ikidai Akuj, nai iŋes pei itiiyori neni ewanan.

Awos. 8:4

Ikidokakinete iyoŋ ŋakidodoka ka edokakinete tari neni a ŋituŋa kon ka neni a ŋikapolok a ŋulu ipukatotor iyoŋ.”

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Esek. 29:13

“Ŋace ŋuna irworo Ekapolon Akuj ikes nu ebe, ‘Ani elunyarosi ŋikaru ŋul ŋatomoniomwon, acununi ayoŋ Ŋijipitian alotuŋa a ŋakwapin a ŋulu aponi kielakinae ikes.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Osea 6:2

Kelunyar ŋirwa ŋiarei, ikitojokukini iŋes iwon nabo, kelunyar ŋirwa ŋiuni ikiteyaruni iŋes iwon ikotere ikiyari alokiŋaren keŋ.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

Ŋibur. 12:11

Apaki daadaŋ ŋina ikisicanere iwon, etakani aneni yok erae ibore ŋini ikisiyaloloŋi, meere ŋini ikitalakari. Nai ekaku keŋ, eryamunete ŋulu daadaŋ abu akisicanet ŋin kitatam ekisil ka akiyookino.