Isa. 19:18 - Ebaibul

¹⁸ Akoloŋit ŋin, eryamunio alo Ijipit ŋitaunio ŋikan ŋulu irworosi aŋajep a ŋituŋa a Kanaan kikoŋete itopoloorito Ekapolon ŋolo a ŋajoresyo. Enyarao epei a ŋitaunio a ŋul etaun ŋolo ka amunyaro.

Isa. 19:18 Iomraidhean Croise

Akisy. 11:1

Akitodol apaki ŋin, erworosi ŋituŋa a akwap a daadaŋ aŋajep apei ka ŋakiro ŋapei.

Neem. 10:29

kimorikin ka ŋiyeneta kec ta ŋikapolok kec tocamut aryamun ŋicen erae pa kiwuap ŋikisila a Akuj ka kikoŋo akiwuap ŋikisila ŋulu ka Akuj, ŋulu ainakini Moses ŋolo arae eketiyan ka Akuj ikes ka akiwuap ejok ŋakiciketa daadaŋ ŋuna ke Ekapolon Akuj yok ka ŋikisila keŋ ka ŋakiro ŋuna etubunit iŋes.

Ŋikiru. 68:31

Epote alo Ijipit ŋikawoikinitok a ŋituŋa a Ijipit; ikyaarete ŋituŋa a Sudan ŋakan kec kilipa neni ka Akuj.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 19:19

Akoloŋit ŋin, eyakaun namuroet ŋina ke Ekapolon kidiŋ akwap a Ijipit ka eyakaun epir ŋolo edukitoe aŋuna ka Ekapolon lokukoru a Ijipit.

Isa. 19:21

Iteyenikin Ekapolon neni a Ŋijipitian ka eyenunete Ŋijipitian Ekapolon akoloŋit ŋin, ido ilipete ikes neni keŋ inakis ŋamuronisya ka ŋainakineta ŋuna epeyo, ikoŋete daŋ neni ke Ekapolon ido kiwuapa ŋuna adaut ikes akikoŋ.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 65:16

Ituŋanan daadaŋ ŋini egatanakini arereŋu nakwap, emaikina togatak alokiro ka Akuj a ŋina ikinyoma; ituŋanan daadaŋ ŋini ikoŋi anakwap, emaikina kikoŋ alokiro ka Akuj a ŋina ka akikinyoma; anerae emuryakin ŋican ŋulu koloŋ ka nyeriŋa ayoŋ ete ŋican ŋul.”

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Sepan. 3:9

“Apaki ŋin, elocokini ayoŋ epite ŋolo irworotor ŋituŋa kaŋ, toruwor erwor ŋolo ajokan, ikotere ikes daadaŋ enyaraete ekiro ŋolo ke Ekapolon, ido kitiyanakis Ekapolon ecamuna kaapei.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.