Isa. 19:16 - Ebaibul

¹⁶ Ebunit akoloŋit ŋina ikwaanikinotor ŋituŋa a Ijipit ka ŋaberu ŋuna ekuryaka. Emaranikinete ikes aŋuna a ekabule iŋolikinete atemar ebunit Ekapolon ŋolo a ŋajoresyo akisican ikes a apedor keŋ.

Isa. 19:16 Iomraidhean Croise

Ŋikiru. 48:6

Abu tobul ikes nooi a nen, toryebakinos nooi ikwa aberu ŋina eapi akidoun.

Awos. 11:6

Eyakaun nai akigworo ŋina apolon nakwap a Ijipit daadaŋ, akigworo ŋina nyiirara ŋinapei koloŋ ka nyiiraryo nabo jik.

Isa. 10:32

Akoloŋit napei na, ieŋunete ŋimoe alotaun Nob, iniŋiniŋokinete ŋakan kec aŋuna a ŋituŋa a ŋulu iboiyete alomukura Sion ka aŋuna a ŋituŋa a ŋulu iboiyete alo Yerusalem.

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 13:2

kikyaasi abendera ŋina ke ejie alokamukumukut a ŋolo emam ŋikito, tocelutu neni a ŋasigarya kus; kikyaasi ŋakan kus itoodiunito atemar tolomasi ikes alopukei a ŋikapolok.

Isa. 30:17

Esuri ituŋanan ipei ŋituŋa aliput, iemete iyes daadaŋ aŋuna a ŋituŋa a ŋikan ikirisete ikes iyes tari ŋina idoŋio ituŋanan ipei bon esibit epir ŋolo ka abendera alokidiama emoru, esibit akitoodikinet ŋina esipokinitae kidiama ekamukumukut.

Yer. 50:37

Earyo a ekileŋ ŋaŋolei keŋ ka emunaaryo ŋagaari keŋ ŋuna iritae a ŋaŋolei ta ŋasigarya ŋunagelae ŋuna eyakasi kidiŋ keŋ, ikotere epalagagiata ikwa ŋaberu. Eŋatunio a ekileŋ ebari keŋ daadaŋ, ikotere eŋataryo.

Yer. 51:30

Emyekis ŋikajiok a Babilon ajiore arubakis iboiyete anaduketa a ŋunajiet adaun agogoŋu kec ekwaanikin ikes ka ŋaberu, ecunyakin ŋakais a Babilon, abilibilaar ŋakito ŋuna egolitere ŋipukei keŋ.

Obad. 1:9

“Ekuryakiata ŋikajiok kon ŋulu etirok ŋulu a Teman, ido earyo ŋolokile daadaŋ ŋolo eyai lomoru ŋulu ke Esau.”

Naum 3:13

Kiŋolik ŋasigarya kon! Ekuryaka ikes ikwaan ka ŋaberu. Eŋaara ŋipukei a akwap kon aŋuna a ŋimoe kon. Anomiya akim ŋakito ŋuna edukunitere ŋipukei kon ŋul.

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Sakar 2:9

Kiirasi tokona, alosi ayoŋ akitijikin ikes, ikotere toŋatasi ŋipi kec ebari kec. Toyenut nai iyes atemar Ekapolon ŋolo etiron iŋes ekeyakuunit ayoŋ.

1 Ŋikor. 2:3

Apaki ŋin, ayai ayoŋ neni kus arae ituŋanan ŋini palag anakuryanu a ŋina apolon ka anamaran.

2 Ŋikor. 5:11

Ikiyeni isua ibore ŋini erae akerit Ekapolon, aŋun nai ikikatakinit isua akitacamun ŋuluce. Ikiyeni Akuj isua nooi ka egeno ayoŋ atemar ikiyenete iyes daŋ ayoŋ alotai kus.

Ŋibur. 10:31

Erae ibore ŋini kerer nooi akimin nakan ka Akuj a ŋina eyari!