Isa. 19:14 - Ebaibul

¹⁴ Esiguryak Ekapolon ŋatameta kec, esirimirimokis ikes Ŋijipitian aloticisyo a daadaŋ, lopite ŋolo irimirimyo ekameran analyakan keŋ.

Isa. 19:14 Iomraidhean Croise

2 Ŋakiro a ŋirwa 18:22

Toŋetak Mikaia ŋakiro keŋ ebala, “Erae ŋakiro nu ŋuna atakanut, adau Ekapolon akituruwor ŋikadwarak kon ŋulu irworosi alyokonu neni kon. Nai alimu Ekapolon elope atemar iryamuni iyoŋ ŋican.”

Yob 12:16

Eyakar Akuj agogoŋu ka aosou; erae ŋulu keŋ ŋulu emodikinitae ka ŋulu emodyanakinete.

Yob 12:25

Imudumudosi ikes anakiryonut, pa iteete neni itorete; einanakini Akuj ikes akiteritero esibit ŋikamerak.

Ŋakit. 12:8

Ani keos ituŋanan, ipurete ŋituŋa iŋes, nai ani kebaŋaana ituŋanan, ejamuwarete ŋituŋa iŋes.

Isa. 19:2

Etidiŋakini ayoŋ Ŋijipitian make, ido ejikinosi ikes make, ejikinosi ikidunyet ka ikidunyet, ejikinosi ŋituŋa a etaun a epei ka ŋituŋa a ŋoloce, ejikinosi ŋituŋa a apukan ka apei ka ŋulu a ŋinace.

Isa. 24:20

Iteritero akwap lopite ŋolo iteriteror ituŋanan ŋini emera, ido iyaŋiyaŋa lopite ŋolo iyaŋiyaŋar akai aŋanya iloiloi ekuwuam ŋolo agogoŋon, enuwakin ŋasecisya nooi nakwap, ido imasar ka nyeteni nabo.

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Isa. 9:16

anerae apotu ŋulu sek epukato ŋituŋa lu kitooliyosi ikes ka apotu ŋituŋa ŋulu epukatae ikes nyeyenut ŋuna emaikina kitiyata.

Yer. 25:27

“Ilimokini nai iyoŋ ikes ebe, ‘Alimu Ekapolon ŋolo a ŋajoresyo, Akuj a Ŋisirael atemar tomata, tomerakinos, toleka, ido kibusokinos nyinyout nabo aŋuna a ejie a ŋolo eyakuunit ayoŋ neni kus.’

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Mat. 17:17

Toboŋok Yesu tema, “Iyes ŋituŋa ŋulu nyinupito ka ŋulu ioliyorito! Ikiruki mono ayoŋ ka iyes tari ori? Akadaŋi ayoŋ iyes tari ori? Yautu edya neni kaŋ.”

2 Ŋites. 2:11

Aŋakiro a ŋun, ejalakini Akuj ikes nakiro ŋuna nyiyookino, ikotere tonupa ŋakiro ŋuna ka amodiyo.

Ŋikat. 9:23

Nai abu Akuj kitidiŋak Abimelek ka ŋikapolok a Sekem, tolukis ŋikapolok a Sekem Abimelek.