Isa. 19:12 - Ebaibul

¹² Ai bo tokona eyakasi ŋikaosok kus? Kimyekisi ikes ikilimokis iyes toyenut ŋakiro ŋuna ayeu Ekapolon ŋolo a ŋajoresyo akitiya imanit ŋituŋa a Ijipit.

Isa. 19:12 Iomraidhean Croise

Isa. 14:24

Ekoŋ Ekapolon ŋolo a ŋajoresyo ebala, “Itiyakin ŋakiro lopite ŋolo adaunia ayoŋ akitemokin, itiyakin ŋakiro lopite ŋolo adaunia ayoŋ ayeun ikote ne:

Isa. 44:7

Ŋae ikikwaan ka ayoŋ? Emaikina iŋes kiserau, emaikina iŋes tolimo alokiŋaren kaŋ. Ŋae abu tolimu koloŋ sek ŋakiro ŋuna epote akitiyakin? Emaikina iŋes itolimok iwon ŋakiro ŋuna epote akitiyakin.

Isa. 5:21

Ekaŋ, iyes ŋulu itamete atemar iosok ka ŋulu itamete atemar epiiryaka ŋakonyen!

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Obad. 1:8

Ebala Ekapolon, “Akoloŋit ŋin, nyamunyari mono ayoŋ ŋikaosok alotooma Edom a? Nyamunyari mono ayoŋ alomoru a ŋulu ke Esau ŋulu epatana ayenun ŋakiro a?

Ŋirom. 9:17

Anerae ebasi Ŋakigireta abala Akuj neni a Parao ebe, “Abu ayoŋ eketuruwo iyoŋ ekepukan aŋuna a ŋakiro a nupei a nu: akisitiya iyoŋ kitoodiu apedor kaŋ ka akiserakin ekiro kaŋ nakwap daadaŋ.”

1 Ŋikor. 1:20

Ai mono alokiŋaren Akuj eyai ituŋanan ŋini aoson? Ai eyai ituŋanan ŋini eyeni? Ai eyai eketepegan anakwap a na? Nyeanyuwara tokona iyes epite ŋolo etabaŋaaniarya Akuj aosou ŋina ka akwap a na a?

Ŋikat. 9:38

Tolimok nai Sebul Gaal tema, “Ai bo eyai akituro kon tokona? ibala sek iyoŋ ka aŋorot, ‘Ŋae erae Abimelek ŋolo emaikina isua kitiyanakinae? Meere mono ŋun ŋajorei ŋuna sek imenit iyoŋ a? Ape tokona kitijik ikes.’ ”