Isa. 19:1 - Ebaibul

¹ Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 19:1 Iomraidhean Croise

Ŋikiru. 104:3

ibu iyoŋ todukok ere kon kidiama ariwo. Ilosi iyoŋ alodowuon, ilosi iyoŋ alokuwuam.

Ŋikiru. 104:34

Elipi tolakar Ekapolon aŋuna ka akilip kaŋ, anerae alelyani ayoŋ aneni ke Ekapolon.

Ŋikiru. 18:9

Abu Akuj kimyek nakuj bu kwap; apotu ŋidouwon ŋulukiryonok pena kwap ŋakejen keŋ.

Ŋikiru. 68:4

Toeikisi neni ka Akuj, toeikisi ipurosi ekiro keŋ, kitopoloosi iŋes ŋina edokit ŋidouwon, erae ekiro keŋ Ekapolon, tolelyana alokiŋaren keŋ.

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Isa. 13:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Babilon.

Isa. 13:7

Aŋun, epalagagunete ŋakan a ŋituŋa a daadaŋ, iyalaar ŋitai a ŋituŋa a daadaŋ

Isa. 19:16

Ebunit akoloŋit ŋina ikwaanikinotor ŋituŋa a Ijipit ka ŋaberu ŋuna ekuryaka. Emaranikinete ikes aŋuna a ekabule iŋolikinete atemar ebunit Ekapolon ŋolo a ŋajoresyo akisican ikes a apedor keŋ.

Isa. 21:9

Kiŋolik, eki apotu, apotu ŋikametok ŋagaari ŋuna iritae a ŋaŋolei, ŋikametok ŋaŋolei erukito a ŋiareerei!” Etemari nabo ekeyokon ŋol ebe, “Enyasun, enyasun Babilon. Eperete alokwap ebwaŋabwaŋaara ŋitorubei daadaŋ a ŋakujo a ŋuna sek elipete ikes.”

Yer. 25:19

Eryamunete ŋituŋa lu daŋ ŋican ŋul: Parao erwosit a Ijipit, ŋiketiyak keŋ, ŋikapolok ŋulu ipukatotor iŋes ka ŋituŋa keŋ daadaŋ,

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Yer. 51:44

Esicani ayoŋ Bel akuj ŋina a Babilon, etelekuni ayoŋ ŋituŋa keŋ ŋiboro ŋulu apotu ikes todemasi ŋituŋa, nyeriŋa nabo ŋituŋa a ŋakwapin eropiyete akilip neni keŋ, aritakin arwatata a Babilon.

Esek. 30:13

“Alimu Ekapolon Akuj ŋakiro nu ebe, Amunaari ayoŋ ŋakujo etasaluni ayoŋ ŋitorubei ŋulu eya Memipis; emamukaun anakwap a Ijipit erwosit nabo; aŋun, ewuakini ayoŋ akuryanu lotuŋa a akwap a Ijipit.

Yoel 3:19

“Eruwor Ijipit ereŋorot, eruwor Edom ereŋorot ŋolo erae aloŋisat itiyakin ŋun aŋuna ka aryenyeo kec a ŋina apotu ikes kitiyata lotuŋa a Yudaya, akwap ŋina aponiata ikes toaryata ŋituŋa ŋulu amam aronis itiyato.

Naum 1:1

Erae nu ŋakiro ŋuna abu Akuj kisileereu aŋuna ke etaun a Ninepe, ŋakiro ŋuna abu Naum ŋolo abunit alo Elikos toanyu anakiruja, ido kigir.

Naum 1:3

Nyeŋoi Ekapolon atipei nai egogoŋ iŋes nooi, mam nyeesikini iŋes ŋikasecak nyisicana aŋuna a ŋasecisya kec. Neni daadaŋ itori iŋes, eyakaun ekuwuam ŋolo ipiripiri ka ŋolo ekusi ka agogoŋu. Erae ŋidouwon apuwa ŋina a ŋakejen keŋ.

Sakar 10:11

Ani itorunete ikes nanam ŋina nyepatana akitor, ayoŋ Ekapolon etidipokini ekuwuam ananam, ido etooni neni ecukul anaŋolol a ŋina a Nile, itiditeunio ŋituŋa ka Asiriya ŋulu sek iturosi, edaun agogoŋu eyakar Ijipit ŋina sek egogoŋ.

Sakar 14:18

Ani pa kelot Ŋijipitian akitipeiyor Yerusalem akinumunum ŋasuban ŋun, emam akiru eryamunete. Eyauni Ekapolon neni kec edeke ŋolo isicania ŋakwapin ŋuna apotu towout akitipeiyor akinumunum ŋasuban ŋuna a ŋisakaitei.

Ekim. 33:4

apaki ŋin, ariŋa Ŋijipitian enukete ŋidwe kec ŋulukiyae ŋulu abu Ekapolon toar alokidiŋ kec. Abu Ekapolon kitoodiu atemar egogoŋ iŋes akilo tari ŋakujo kec.

Ŋikis. 33:26

Okoe Ŋisirael, mam ice ikwaan ka Akuj kus, Akuj ŋina ebunit alokidiama aiun iyes, eyai iŋes anailiil keŋ lodouwon.

Yos. 2:11

Ikipotu isua ŋinapei ikiirari ŋakiro ŋun, omaranikisi, itobul nooi aŋuna kus. Kire jik, Ekapolon Akuj kus, iŋes erae Akuj alokidiama ka anakwap a ne.

Yos. 2:24

Ekaku kirworo ikes, temasi neni a Yosua, “Adau Ekapolon Akuj ainakin Kanaan daadaŋ nakan yok. Elelebun tokona ekabule lotai a ŋituŋa ka akwap a Kanaan daadaŋ.”

Yos. 2:9

bu Raab neni aya ikes tema, “Ayeni ayoŋ atemar adau Ekapolon Akuj ainakin iyes akwap na. Elelebun akuryanu neni kosi ka ebulit ituŋanan daadaŋ ŋini ka akwap a na aŋuna kus,

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!