Isa. 18:2 - Ebaibul

² akwap ŋina iyakiyanari ŋikawoikinitok kon emeto aŋolol Nile, todokito ŋatubae ŋuna itiyaunitae a ŋasasaka, iyes ŋikiyakitono ŋulu apiranak, toloto nakwap a ŋituŋa a ŋulu aoyak tosulut ŋawat, lotuŋa ŋulu ekeritae alodiye kec ka aneni alwanan, toloto nakwap ŋina agogoŋon ŋina iloununui ŋimoe keŋ, nakwap ŋina etyakito ŋaŋololin.

Isa. 18:2 Iomraidhean Croise

2 Ŋakiro a ŋirwa 14:9

Abu Sera ŋolo arae ekarikon a ŋasigarya a Ŋikusi tolot akirem Yudaya, ayakar iŋes ŋasigarya amilion ka ŋagaari ŋamiae ŋauni. Apotu ikes toloto tari lotaun ŋolo anyaritae Maresa alo Yudaya.

2 Ŋakiro a ŋirwa 16:8

Pa mono alalak nooi ŋasigarya a Ŋikusi ka Ŋilibiyae, ido pa mono ayakatar ikes ŋagaari ŋuna alalak ka ŋikametok ŋaŋolei ŋulu alalak a? Abu Ekapolon ikiinak iyoŋ akiloun ikes, anerae ibu iyoŋ toyarik neni keŋ.

Yob 9:26

Elunyanarosi ŋirwa a akiyar kaŋ atipei lopite ŋolo eironorotor ŋitubae ananam, eironor lopite ŋolo iuwaunor egole neni a ibore a ŋini ecamit akinyam.

Awos. 2:3

Ani edaun iŋes epite ece ŋolokiwuaet ikoku ŋin, abu toyeu ebukit ka aasak, kidelesik eminae lobukit ŋol ikotere nyelomasi ŋakipi. Tosodi nai kiwuak ikoku tooma ebukit, ya kiwua aloot alokipetot ka aŋolol Nile.

Isa. 18:7

“Apaki ŋin eyaunio ŋainakineta neni ke Ekapolon a ŋolo a ŋajoresyo, eyaunio aneni a ŋituŋa a ŋulu aoyak tosulut ŋawat aneni a ŋituŋa a ŋulu ekeritae alodiye kec ka aneni alwanan, aneni a ŋituŋa a akwap a ŋina agogoŋ ka a ŋina iloununui ŋimoe keŋ, nakwap ŋina etyakito ŋaŋololin. Epote ŋituŋa ŋul lomukura Sion neni enyaritere ekiro a Ekapolon a ŋolo a ŋajoresyo.”

Yer. 49:14

Abu ayoŋ otema, “Akalimoki Ekapolon ayoŋ ŋakiro ka eyakuun ekiyakia nakwapin, ebala iŋes, ‘Tocunakinos daadaŋ iwapei, ido potu kitijikis ikes, tonyoutu aŋuna ke ejie!’

Esek. 30:9

“Akoloŋit ŋin, elosete aneni kaŋ ŋikiyakia edokito ŋameeli, kitukuryana ŋituŋa a Kuc ŋulu atenito akinup ŋakiro. Emini ekabule neni kec akoloŋit ŋina isicanere Ijipit, ebunit kire jik akoloŋit ŋin.

Obad. 1:1

Erae nu ŋakiro ŋuna abu Obadia todwar, ŋuna abu Ekapolon ŋolo Etiron kirwor aŋuna ke Edom; adaun isua akiirar ŋakiro aneni ka Akuj, ido eyakiyar ekiyakia nakwapin alimokin ŋakwapin ebe, “Tonyoutu! Emana akwap ke Edom, etijioto!”

Abak. 1:7

Ekerito ŋituŋa a ŋakwapin a ŋunace ikes nooi, iturosi ikes nooi, ido etamete atemar ŋuna daadaŋ itiyaete ikes erae ŋuna iyookino ka ecamakinitae.

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.