Isa. 17:8 - Ebaibul

⁸ Nyikinyomete nabo ŋamuroeta kec ka ŋiticisyo ŋulu a ŋakan kec, ido nyiŋolikinete ikes ŋitorubei ŋulu apotu ikes kitiyaut, nyiŋolikinete ŋipirin ŋulu a ŋitalyo, kori ŋamuroeta ŋuna ecunyere ekinyate.

Isa. 17:8 Iomraidhean Croise

2 Sam. 22:42

Apotu ikes kiwara ikaiunan, nai mam ŋini arae ikaiunan ikes; apotu ikes kigworonokis Ekapolon, nai abu Ekapolon nyeboŋok ikes ŋakiro ŋadi.

2 Ŋakiro a ŋirwa 14:5

Abu daŋ Asa tolema alotaunio a Yudaya a daadaŋ ŋaduketa ŋuna adukitoe nenimukur neni elipyata ŋituŋa ŋakujo, tolema tari ŋamuroeta ŋuna ecunyere ekinyate, ido abu Yudaya kiboi apaki ŋin emam ituŋanan itiji.

2 Ŋakiro a ŋirwa 31:1

Ani irikakin ŋakiro ŋun daadaŋ, apotu Ŋisirael daadaŋ ŋulu ayakasi nen toloto lotaunio a Yudaya, toukonosi ŋamoru ŋuna asipitoe erae ŋitorubei a ŋakujo, totubutubokis kwap ŋitorubei a ŋakujo a ŋuna anyaritae Asera, tomunaasi ŋamuroeta ka ŋakiboisyo ŋuna aya nenimukur ŋuna elipere neni a ŋakujo alo Yudaya daadaŋ, alo Benjamin ka alo Epuraim ta alo Manase. Ani kedaut amunaar daadaŋ, toboŋosi ŋituŋa a Isirael lotaunio ka nakwapin kec.

2 Ŋakiro a ŋirwa 34:4

Anakiro a ŋuna alimuni iŋes, aponi toukonoroe ŋamuroeta a Baal, tobwaŋabwaŋarae ŋitorubei ŋulu aya kidiama ŋamuroeta ŋun, tomunaa ŋitorubei a akuj a ŋina anyaritae Asera ka ŋitorubei a ŋakujo ŋuluce daadaŋ, kinyaadiyarae toruwor apuwa, ido kielakinae apuwa ŋin kidiama ŋalyalin a ŋulu apotu sek inanakis ŋamuronisya nakujo ŋun.

Awos. 34:13

Emaikina iyes tobwaŋabwaŋaasi ŋamuroeta kec ka ŋitorubei ŋulu a ŋakujo kec ta ŋakiboisyo ŋuna iiryamununosi ikes,

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Isa. 10:20

Akoloŋit ŋin, nyikinyomete nabo ŋipiya a Ŋisirael ka ŋulu aponi nyeari aloletok a Yakob ekepukan ŋolo abu toar ikes, nai epote ikes akikinyom anakiro a ŋuna a kire Ekapolon, Akuj ŋina asegan ŋina a Isirael.

Isa. 17:9

Akoloŋit ŋin, ikwaanikinosi ŋitaunio kec ŋulu edukitoe ŋaduketa ŋunajiet ka ŋireŋoroto ŋulu a Ŋiipi ka Ŋiamori, ŋireŋoroto ŋulu apotu ikes kimyekis apaki ŋina aemyata ikes aneni a Ŋisirael, ido eyakaun ekasile Damasko.

Isa. 2:8

Ileleba nakwap kec ŋitorubei a ŋakujo, ilipete ikes neni a ŋiboro a ŋulu itiyaunitae a ŋakan, ka neni a ŋiboorei a ŋulu itiyaunitae a ŋimoyo.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 44:15

Ekaku, isitiyae ituŋanan ekitoe ŋol akinokia akim. Elemuni ituŋanan akitoe a ekitoe a ŋol iwace akiwuaŋaror, inokakinia iwace akim kipoo ŋamugati; iwace nai kisitiya akitiyaunia akuj, ido kilip neni a akuj a ŋin, icieuni iŋes etorube, ido toryedik kilip ijuurui alokiŋaren etorube ŋol.

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Osea 14:9

Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Sepan. 1:3

Amunyari ayoŋ ŋituŋa ka ŋibaren ta ŋityaŋ, amunyari ayoŋ ŋikyeny ka ŋikolya. Esipiyori ayoŋ ŋulu aronok epite ŋolo eyaryata. Amunyari ayoŋ ŋituŋa anakwap.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Ŋikis. 7:5

Nai emaikina iyes kitiyata nu neni kec: Toritaanasi ŋamuroeta kec, tobwaŋabwaŋaasi ŋipirin kec, kiteleteloosi ŋapuŋurei ŋuna a ŋitalyo kec ka kicunyasi ka akim ŋitorubei a ŋakujo kec;