Isa. 17:7 - Ebaibul

⁷ Akoloŋit ŋin, ikinyomete ŋituŋa ekasuban kec ka Akuj apei ŋina asegan ŋina a Isirael.

Isa. 17:7 Iomraidhean Croise

2 Sam. 22:42

Apotu ikes kiwara ikaiunan, nai mam ŋini arae ikaiunan ikes; apotu ikes kigworonokis Ekapolon, nai abu Ekapolon nyeboŋok ikes ŋakiro ŋadi.

2 Ŋakiro a ŋirwa 31:1

Ani irikakin ŋakiro ŋun daadaŋ, apotu Ŋisirael daadaŋ ŋulu ayakasi nen toloto lotaunio a Yudaya, toukonosi ŋamoru ŋuna asipitoe erae ŋitorubei a ŋakujo, totubutubokis kwap ŋitorubei a ŋakujo a ŋuna anyaritae Asera, tomunaasi ŋamuroeta ka ŋakiboisyo ŋuna aya nenimukur ŋuna elipere neni a ŋakujo alo Yudaya daadaŋ, alo Benjamin ka alo Epuraim ta alo Manase. Ani kedaut amunaar daadaŋ, toboŋosi ŋituŋa a Isirael lotaunio ka nakwapin kec.

Ŋikiru. 95:6

Potu, oryediko elipa iŋes; oryediko alokiŋaren Ekapolon, Ekasuban yok!

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Isa. 22:11

Ipotu iyes tobokakis abwal kidiŋ ŋarwatatain ŋunaarei kilunyokin nabwal ŋinaŋorot. Nai ipotu iyes nyikinyoma ŋolo etiyauni abwal ŋin, kori nyitoodiut akitopoloorit ŋolo abu koloŋ sek toyeu akitiyaun abwal ŋin.

Isa. 29:24

Eyenunete ŋulu esecito alotai kec ŋakiro, ecamunete ŋulu iŋuruŋurasi ŋakiro ŋuna itatamyo.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Amos 3:12

Alimu Ekapolon ŋakiro nu ebe, “Ikwaŋina edemunia ekeyokon eŋatuny ŋakejen a ibarasit ŋaarei, kori akit bon a akine keŋ, ŋituŋa a Isirael ŋidikudyo ŋulu iboiyete alo Samaria eiunio, ido eemyata ikes ŋakejen a ekitaada ka akicoloŋ bon.”

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.