Isa. 17:3 - Ebaibul

³ Elemaryo aduketait ŋinajiet alo Epuraim ka elemaryo apukan alo Damasko, ido ikwaanikinosi apolou ŋina a ŋipiya ka Aram ka ŋina a Ŋisirael.

Isa. 17:3 Iomraidhean Croise

2 Ŋirw. 16:9

Abu erwosit ŋolo ka Asiriya tocamu ŋakiro ka Aas, tosodi min torem Damasko kikama. Torik ŋituŋa, ya Kir lotaun ŋolo ka akwap keŋ, ido toar Resin ŋolo arae erwosit.

2 Ŋirw. 17:6

Alokaru a ŋolo a ŋikanikaomwon ipukat Osea, kikama erwosit ŋolo ka Asiriya Samaria, torik Ŋisirael ya Asiriya. Abu kitolom ikes ŋice lotaun Ala, ŋice kitolom diyete aŋolol Abor ŋina a nakwap a Gosan ka kitolom ŋice lotaunio a Media.

Isa. 10:9

Nyikwaan mono Calino ka Carikemis a? Nyikwaan mono Amas ka Aripad a? Nyikwaan mono Samaria ka Damasko a?

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 17:4

Akoloŋit ŋina itiyakinotor ŋun, elemaryo apolou aneni a ŋituŋa a Yakob ka edaun ebari kec toruworos ŋikulyak.

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 7:16

Eriŋa ikoku ŋin nyeyenuna akiŋer aronis ka aseun ajokis, eruwor akwap a ŋirwosi a ŋiarei a ŋulu ikerito iyes ekasile.

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Osea 1:4

Tolimok Ekapolon Osea tema, “Tolimok ikoku kon ŋin ekiro Yesireel, anerae alotooma apaki ŋina euruwuana, esicani ayoŋ ŋituŋa a ekal a Yeu aŋuna aaryata ŋituŋa alo Yesireel, emyekini ayoŋ todaun apukan ŋina a Isirael.

Osea 1:6

Abu Gomer topoti nabo, kidou ikoku ŋinipese. Tolimok Ekapolon Osea tema, “Tolimok ikoku ŋin ekiro Lo-ruama, anerae nyeriŋa ayoŋ esyoni ŋituŋa a Isirael, kori etoodikini ikes amina kaŋ.

Osea 10:14

ebuni ejie neni a ŋituŋa kus ka emunaaryo ŋaduketa kus ŋunajiet daadaŋ, lopite ŋolo amunaarya Saliman etaun ŋolo enyaritae Bes-Aribel akoloŋit ŋina ke ejie, apaki ŋina amunyarere ŋaberu kaapei ka ŋidwe kec.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Osea 8:8

Ekwaanikin Isirael ka ŋakwapin ŋunace, aruworosi daadaŋ ŋacaryo,

Osea 9:11

Eporori apolou aneni a ŋituŋa a Epuraim lopite ŋolo epororya ikenyit, nyeuruunete nabo ikes ŋidwe ŋice, nyepotiyete nabo ŋaberu kec, nyeryamunete nabo ŋaberu kec ŋakookyes.

Amos 8:14

Emunyarosi ka nyeyarete nabo jik ŋituŋa ŋulu ikoŋete enyarito ekiro ŋolo ka Asima a akuj a ŋina a Dan a ŋina eyai Samaria, ido ebasi, kori enyarito ekiro a akuj a ŋina eyai Beeriseba.’ Emunyarosi ŋituŋa ŋul, nyeyarete nabo jik.”