Isa. 17:13 - Ebaibul

¹³ Irurumaete ŋituŋa a ŋakwapin lopite ŋolo irurumaata ŋakipi ŋuna alalak, nai ikilakini Ekapolon ŋituŋa ŋul, ido toema neni alwanan nooi, iritaryo ikes lopite ŋolo ekutarya ekuwuam ŋamilo alokidiama ŋimoru ka lopite ŋolo ipiripirya apuwa alokuwuam.

Isa. 17:13 Iomraidhean Croise

Yob 21:18

Ŋarwa ŋayai eryamunitotor ikes ŋican lopite ielielya ekuwuam ŋanya? Kori lopite ŋolo ekutarya ekuwuam ŋolo ekusi nooi ŋamilo?

Yob 38:11

otema neni keŋ, ‘Iyakaun iyoŋ nege bon nyidoli iwace, nepei ne bon emaikina akimorokok a ŋakipi kon kisalakis.’

Ŋikiru. 1:4

Nyikote ŋulu aronok nen, nai ikote ikes ŋamilo ŋuna ekutanari ekuwuam nariet.

Ŋikiru. 35:5

Kimyek ikes kielarae lopite ŋolo ielarya ekuwuam ŋamilo, kimyek emalaika kirit ikes tomunya.

Ŋikiru. 65:7

Isililiŋene iyoŋ akiruruma ŋina a ŋanamyo, akiruruma ŋina a ŋikaguragurae a ŋakipi a ŋuna ekusi ekuwuam ka ecelet ŋolo ikitepegeta iyoŋ ŋituŋa.

Ŋikiru. 65:8

Ekerito ŋulu iboiyete aneni alwanan ŋiticisyo kon ŋulu ka aumokin; Iyaununui iyoŋ alelyanu neni a ŋituŋa a daadaŋ ameun alo Kide tari To.

Ŋikiru. 9:5

Idau iyoŋ akitoŋooiyar ŋituŋa a ŋakwapin ka idau amunyar ŋulu aronok; ituruwo iyoŋ ikes ŋulu nyetamunio ŋikaru ka ŋikaru.

Isa. 14:25

Amunyari ayoŋ ŋituŋa ka Asiriya anakwap kaŋ ka epudaari ayoŋ ikes alomoru kaŋ; alacakini ayoŋ ŋituŋa kaŋ anapedor a ŋituŋa ka Asiriya ka alacakini ikes aloticisyo a ŋulu agogoŋok a ŋulu ainakinitae ikes akitiya.

Isa. 21:15

anerae amotunosi ikes aŋuna acamitere akiar, acamitae ikes akiar a ŋileŋia a ŋulu aris kelemun anakuraroi, acamitae ikes akiar a ŋikaleŋeleŋe a ŋulu aris kiketakin ŋakawo kec. Emotuno ikes aloupanu a ŋolo ke ejie.

Isa. 22:18

ikisirimok iyoŋ ŋarwa ŋuna alalak, ido ikicuta iyoŋ nariet nakwap ŋina alalan, itwanikini iyoŋ nen ka idoŋete nen ŋagaari ŋuna sek iruunitor iyoŋ. Okoe iyoŋ ŋolo iyau ŋileec lotuŋa a ekapolon kon!

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Isa. 29:5

Nai ielaryo ŋimoe kus ŋulu alalak, kielar ikwa apuwa, ielaryo ŋiryenyaanotin lopite ŋolo ielarotor ŋamilo alokuwuam. Atipei anapaki a ŋina euruwuana,

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Isa. 34:17

Adau Ekapolon atyakanakin ikes ŋakiboisyo kec, akoranaki Ekapolon ikes ŋakiboisyo kec ipimanarit. eruwor ŋakiboisyo ŋun ŋuna kec ŋikaru ka ŋikaru, iboiyete ikes a nen ŋanyameta ka ŋanyameta.

Isa. 40:15

Aneni ke Ekapolon, ikote ŋakwapin akilimasit a akiru apei; iteo ikes ikwaan ka apuwa ŋina nyinuwari akilo; kiirasi, ikwaan aneni keŋ ŋiculeta ka apuwa.

Isa. 40:24

Ikwaan ŋikepukak ŋul ka ŋikito ŋulu ariŋa edupakinio ikwaan ikes ka ŋikinyom ŋulu ariŋa eekinio tolomut, ani apaki ŋinapei eremoryata ikes ŋataagor kwap, eyauni Ekapolon ekuwuam neni kec, ido kitiiniya, tosodi ani ekutuni ekuwuam ŋolo ipiripiri, kiwok ikes ikwa ŋamilo.

Isa. 41:11

“Kire, ikes daadaŋ ŋulu ikiremokino iyoŋ, isirumyo kire jik ŋileec ka elemaryo aneni kec ajokis; ikes ŋulu ikitepegete iyoŋ, eruwor ŋikoŋinae ka etwakete.

Isa. 8:7

eyauni Ekapolon erwosit ka Asiriya kaapei ka ŋasigarya keŋ akirem Yudaya. Epote ikes erimaete esibito ŋakipi a aŋolol Eupurate apaki ŋina ilelebar ka ilapitor.

Dan. 2:35

Apotu nai ŋasuwa, ecoto, eburonis ka esilipa ta egolid tobwaŋabwaŋaar daadaŋ, kikwaanikin ka ŋamilo ŋuna ekutari ekuwuam analos nakamu, ido abu ekuwuam kiwoko ŋanyile a etorube a ŋol, nyeryamun tari apei daŋ. Nai abu amoru ŋina adoe lotorube ŋol toruwor emoru ŋolo apolon nooi ŋolo apetakina nakwap daadaŋ.

Osea 13:3

Aŋun, ikwaanikinosi ikes ka ekuno ŋolo ka ataparacu, kori ŋakopi ŋuna eŋopiyarete atipei eriŋa ataparacu, ikwaanikinosi ikes ka ŋamilo ŋuna ekutari ekuwuam analos, kori apuru ŋina ipwororit alodirisa.

Sepan. 2:2

tocununos eriŋa iyes nyiritara nariet ikwa ŋikabinin ŋulu ekutarit ekuwuam, eriŋa nyedoluno neni kus anyunyura ŋina aronon ŋina ke Ekapolon. eriŋa nyedoluno neni kus akoloŋit ŋina ka anyunyura ke Ekapolon.