Isa. 17:12 - Ebaibul

¹² Okoe epupyo ŋitoilon a ŋituŋa a ŋulu alalak, irurumaete ikes lopite ŋolo irurumaata ŋakipi ananam! Okoe epupyo akiruruma a ŋakwapin, irurumaete ikes lopite ŋolo irurumaata ŋakipi ŋuna alalak nooi!

Isa. 17:12 Iomraidhean Croise

Ŋikiru. 18:4

Apotu ŋirotin ŋulu ka atwanare okorapuwasi ayoŋ, apotu ŋirotin ŋulu ka amunyaro kipiiyaun, ekesiiryakis ayoŋ neni aronon,

Ŋikiru. 29:3

Epupo etoil ke Ekapolon ananamyo, ikilya irworo Akuj ŋina ka apedor, ipukat Ekapolon anam ŋina apolon nooi.

Ŋikiru. 83:2

Kiŋolik epite ŋolo eyeata ŋimoe kon aruruma, kiŋolik epite ŋolo itenitotor ikes ŋakyes.

Isa. 13:4

Kiirasi ecelet ŋolo ebunit alomoru esibit ecelet a ŋituŋa a ŋulu alalak, kiirasi ecelet a ŋituŋa a ŋapukasinei ecelet a ŋakwapin aŋuna ecunasi nakibois apei! Esubanakini Ekapolon ŋolo a ŋajoresyo ŋasigarya aŋuna ke ejie.

Isa. 28:17

Akitub ŋakiro a akiyookino iŋes eruwor akipimet a amoru a ŋin, akiyookino iŋes erikini neni emagul; Inyasunete ŋakako ŋirotin a akiyar kus ŋulu iyarikinito iyes, inyasuni akalele a ŋakipi ŋakiboisyo ŋuna iŋopitotor iyes.

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Isa. 8:9

Okoe ŋituŋa a ŋakwapin, tocunakinos iwapei ka akuryanu, topupokisi ŋituŋa daadaŋ ŋulu a ŋakwapin a ŋuna alwanak, tosubakinos aŋuna ke ejie nai tokuryaka! Tosubakinos aŋuna ke ejie, nai tokuryaka!

Isa. 9:5

Inokere akim ŋamuk a ŋikajiok a daadaŋ a ŋulu aloseneneete lojie kaapei ka ŋilowi kec daadaŋ ŋulu irwasito ŋaokot.

Yer. 6:23

Etiŋito ikes ŋakwaaras ka ŋakawo a ŋikaleŋeleŋe, ededeŋ ikes nooi, nyisyoniyoko, epol eruye a ŋakejen kec ikwaan ka eruye a ŋakipi anam, emeto ikes ŋaŋolei ka eyakatar ŋiboro daadaŋ ŋulujiet, okoe ŋituŋa a Sion eponito ikes akirem iyes!”

Esek. 43:2

eŋolik ayoŋ a nen akica ŋina ka Akuj a Isirael ebunit alo Kide. Ekwaan eruye keŋ ka ŋolo a ŋakipi a ŋuna alalak a ŋuna ipumasi, abu akica ŋina ka Akuj kinwak akwap.

Dan. 7:2

“Anakisileerekinet a ŋina abu ayoŋ eŋolik nakwaare, abu ayoŋ eŋolik ekuwuam ŋolo akutunit alowaetin a ŋuluomwon a daadaŋ, ŋolo akutunit ananam a ŋina apolon nooi.

Mika 4:11

Nai tokona, acunakin ŋakwapin ŋuna alalak akitijikin iyes ebasi ikes, ‘Emaikina tomunaarae Yerusalem! Emaikina iwon eŋolikisi etaun ŋol eruwor ŋamoru koŋin!’ ”

Ekim. 10:35

Apaki daadaŋ ŋina erotokinioto ŋulu adakito Asaduku ŋina ka Acamunet atemanari Moses, “Tonyou Ekapolon, elipi kielarae ŋimoe kon, elipi tobwaŋas ŋimoe kon alokiŋaren kon.”

Luk. 21:25

“Eyakaun ŋakitoodikineta nakoloŋ, lolap ka lokacer. Egeuni akwap daadaŋ aryeba ka amaran aŋuna ke eruye ka akimorokok ŋina ka anam.

Akis. 17:1

Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Akis. 17:15

Abu emalaika okolimok ayoŋ tema, “Ŋakipi ŋuna ibu iyoŋ toanyuwa iboiyo amalaat, erae ŋituŋa, ŋasepico, ŋakwapin, ka ŋaŋajepa.