Isa. 17:10 - Ebaibul

¹⁰ Itiyakin ŋun, anerae ikimuryak iyes Akuj ŋina ikilakuni iyes ka nyitamunito iyes Akuj ŋina erae ataaba ŋina ka aiuno, aŋun, tari kitaete iyes ŋinyomen ŋulu ajokak, todupete ŋaten a ŋikito a ŋulu eyaununitae aiwace,

Isa. 17:10 Iomraidhean Croise

1 Ŋakiro a ŋirwa 16:35

Tolimosi daŋ ebe, “Toiunae isua, okoe Akuj akaiunan kosi, tocunakinae ka toiunae isua alotuŋa a ŋakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Ŋikiru. 106:13

Nai apotu ŋakiro ŋuna abu Akuj kitiya kimuryakis ikes; apotu nyidara Akuj alimokin ikes ŋakiro ŋadi.

Ŋikiru. 106:21

Abu ikes kimuryak Akuj akaiunan kec, ŋina abu kitiya ŋakiro ŋuna apolok alo Ijipit,

Ŋikiru. 18:2

Ekapolon iŋes erae ataaba kaŋ ŋina kiupala, aduketait kaŋ ŋina ajio alotooma ka ekaiunan kaŋ. Akuj kaŋ, ataaba kaŋ ŋinakiupala neni kon iŋes aiunor ayoŋ, iyoŋ irae aupal kaŋ ka ekaiunan kaŋ, neni kon ayakaun ayoŋ pa eryaŋiryaŋa.

Ŋikiru. 31:2

Topupok ŋakiro kaŋ; toiunae ayoŋ atipei. Toruwor aneni kaŋ ataaba ŋina aiunor ayoŋ, toruwor aduketait ŋina ajio ayoŋ alotooma ikotere aiun.

Ŋikiru. 65:5

Anakiyookino kon, ikiboŋokini iyoŋ isua a ŋiticisyo a ŋulu ka aumokin, okoe Akuj ŋina irae akaiunan kosi; iyoŋ irae akigeno a ŋituŋa a akwap a daadaŋ ka ŋulu eya tari loculeta ka anam ŋulu alwanak.

Ŋikiru. 79:9

Kiŋarakinae isua, okoe Akuj akaiunan kosi, ikotere itopolooryo ekiro kon, tolakunae isua ka kisyoni ŋasecisya kosi; ikotere itopolooryo ekiro kon.

Ŋikiru. 85:4

Torimakinae isua, okoe Akuj ŋina irae akaiunan kosi; tojoŋo aŋoikinit isua.

Ŋikiru. 9:17

Elosete ŋulu aronok daadaŋ nakibois a ŋikatwak, elosete ŋituŋa daadaŋ ŋulu eŋerito Akuj nen.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 17:9

Akoloŋit ŋin, ikwaanikinosi ŋitaunio kec ŋulu edukitoe ŋaduketa ŋunajiet ka ŋireŋoroto ŋulu a Ŋiipi ka Ŋiamori, ŋireŋoroto ŋulu apotu ikes kimyekis apaki ŋina aemyata ikes aneni a Ŋisirael, ido eyakaun ekasile Damasko.

Isa. 18:5

Eriŋa nyedolo apaki ŋina elemere, apaki ŋina edaunotor ŋatur a ŋikinyom, toruworos ŋatur ŋaraito a epiini ŋuna akoko, etubori Ekapolon a ekileŋ ŋatalijei, ido etubori iŋes ŋaten ya nariet.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 26:4

Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,

Isa. 30:29

Ieikinete iyes eete lopite ŋolo ieokinioto nakwaare apaki ŋina a ŋasuban a ŋuna asegak, eyakaun alakara lotai kus lopite ŋolo erotokinio ituŋanan iirari eruye a apilu a ŋina enyaritere ŋituŋa alosit lomoru a Ekapolon neni a Ekapolon a ŋolo arae ataaba a Isirael.

Isa. 33:2

Ekapolon kitoodiu ajokis kon neni kosi, ikidarit isua iyoŋ. Toruwor agogoŋu kosi a ŋinataparacu, aiuno kosi anapaki a ŋina a ŋican.

Isa. 44:8

Nyikera, kori nyikuryaketa; nyiserakina mono ayoŋ iyes ŋun koloŋ sek ka nyelimokina a? Iraakasi iyes ŋisuudae kaŋ. Eyai mono akuj ace eyai akilo ayoŋ a? Emam ekeuryaran ece; emam ece ayeni ayoŋ.”

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 62:11

Eserak Ekapolon ŋituŋa a akwap daadaŋ ebe, ‘Tolimokisi ŋituŋa a Sion atemar ebunit Ekapolon aiun iyes, eyaunit iŋes ŋituŋa ŋulu adau iŋes aiun.’

Yer. 12:13

Apotu ikes toekis ŋikinyom ŋulu ikote erau, nai alemut ŋikukwa, apotu ikes kitiyata etic ka agogoŋ, nai mam ibore aryamut. Aŋuna ka aŋoit a ŋina a Ekapolon, mam ibore elemunete ikes alomanikorin kec.”

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 3:21

“Epupio etoil ŋolo ebunit alokidiama ŋikamukumukui ŋulu aororut, epupio akigworo ka adyekitoi a ŋituŋa a Isirael, anerae enyasut ikes epite ŋolo eboiyoto, emuryak ikes Ekapolon Akuj kec.

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 23:35

Ŋuna tokona irworo Ekapolon Akuj ikes nu, aŋuna ikimuryakinia iyoŋ ayoŋ ka aŋuna nyeriŋa iyoŋ ikimitakinit ayoŋ, emaikina iyoŋ ikitir ŋakiro kon ŋuna ka aleeco ka amalao.”

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Osea 8:14

Emuryak ŋituŋa a Isirael ekasubunan kec, adukokis ikes ŋakais a ŋapukasinei kec, alalata ŋitaunio a Yudaya ŋulu eyakatar ŋaduketa ŋunajiet, nai ecunyari ayoŋ a akim ŋitaunio ŋul daadaŋ, enomiyari akim ŋaduketa ŋunajiet ŋun.

Yoel 1:17

Atwakiyasi ŋikinyom alokwap ŋakapoŋor a ŋalup, anyamunosi ŋakais ŋuna sek idyasyo akimuj; anyamunosi ŋidulae, anerae atwakiyasi ŋikinyom.

Ŋilep. 26:16

etiyakini nai ayoŋ nu neni kus: Ekesicani ayoŋ iyes toryamut ekabule alodekesyo ka alolekesyo a ŋulu ikitumudukanete ka kitiiniyasi ŋawat kus tari natwanare. Itaete iyes ŋikinyom kus, nai mam ibore iryamunete, irikarete ŋimoe kus.

Ŋilep. 26:20

Eruwor ŋiticisyo kus ŋicaryo, anerae nyerayete ŋikinyom kus, nyerayete tari ŋikito ŋulu ka ariet.

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Abak. 3:18

arubakini ayoŋ alelyani ka alakara, anerae Ekapolon Akuj kaŋ iŋes erae ekaiunan kaŋ.

Sepan. 1:13

Eŋatarete ŋituŋa ŋuluce ŋiboro kec, ebwaŋabwaŋaaryo ŋakais kec. Edukokinete ikes ŋakais, nai nyiboikinosi ikes nakais ŋun; edupakinete ikes ŋikito ke epiini; nai nyemasete epiini a ŋikito a ŋul.”

Ŋikis. 28:30

Ikiikinio iyes akiit ŋapesur, nai ituruworete ŋituŋa ŋice ikes ŋaberu kec, idukokinete iyes ŋakais, nai nyiboikinosi iyes tooma kec. Idupakinete iyes ŋikito a epiini lomanikorin kus nai, nyinyamete iyes ŋaraito kec.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikis. 32:18

Ipotu iyes nyimitakis Akuj ŋina erae papa kus, abu ikimuryak iyes Akuj ŋina ikisubuni iyes.

Ŋikis. 32:31

Kire nyikwaan ekaiunan kec ka ŋolo yok, ebaŋaaka ŋimoe yok.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikis. 8:11

Tocoito nai nyikimuryak Ekapolon Akuj kus, anakimyekin akiwuap ŋakiciketa keŋ, ŋikisila ka ŋakiro keŋ ŋuna etubunit iŋes ŋuna akalimok ayoŋ iyes nakoloŋit na.

Ŋikis. 8:14

nyiturokinosi aŋun, ikimuryak Ekapolon Akuj kus, ŋina ikiyauni iyes anakwap a Ijipit a ŋina iraakatar iyes ŋipi,

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!