Isa. 17:1 - Ebaibul

¹ Ŋakiro ŋuna adwarit Ekapolon aŋuna a Damasko ikes nu, “Kiirasi, ejoŋoe Damasko araakau etaun, ido eruwor iŋes ŋatukon a ŋamoru ka ŋamatapali ŋuna adukitere.

Isa. 17:1 Iomraidhean Croise

Akisy. 14:15

Ani ewari, totyak Aburam ŋajorei keŋ, aŋuna ka akisiryakin ŋimoe nakwaare. Toruko iŋes ka ŋiketiyak keŋ kisiiryakis ŋimoe kirita todolo tari Oba, Kuju Damasko.

Akisy. 15:2

Kiŋit Aburam Ekapolon tema, “Okoe, Ekapolon Akuj, inyoni ikiini iyoŋ ayoŋ, anerae arubak ayoŋ eboi emam ikoku, ido Eleasar ŋolo alo Damasko iŋes eruwor ekeruman ŋiboro kaŋ?”

1 Ŋirw. 11:24

Abu ŋol tocunak ŋulu ewuapito iŋes, kituruwor iŋes bon ekarikon a ajore aŋulu aŋerite apukan a Soba apaki ŋina aarya Daudi ŋituŋa kec. Toloto ikes Damasko kiboiyoto a nen, toruwor Reson erwosit a Damasko.

2 Ŋirw. 16:9

Abu erwosit ŋolo ka Asiriya tocamu ŋakiro ka Aas, tosodi min torem Damasko kikama. Torik ŋituŋa, ya Kir lotaun ŋolo ka akwap keŋ, ido toar Resin ŋolo arae erwosit.

1 Ŋakiro a ŋirwa 18:5

Ani epote Ŋiarameani, ŋituŋa ŋulu alo Damasko akiŋarakin erwosit Adadeser ŋolo alo Soba, toar Daudi Ŋiarameani ŋalipyo ŋatomoniarei ka ŋiarei.

2 Ŋakiro a ŋirwa 28:23

Abu inak ŋamuronisya neni a ŋakujo a Damasko a ŋuna apotu kilout iŋes, ido abu tema, “Aŋuna aponiata ŋakujo a ŋirwosi ka Aram ka Asiriya kiŋarakis ŋirwosi ka Aram, ainakini ayoŋ ikes ŋamuronisya, ikotere ekeŋarakis ayoŋ.” Nai apotu ŋakiro ŋun yaut ŋican neni ka Aas ka neni a ŋituŋa keŋ daadaŋ.

2 Ŋakiro a ŋirwa 28:5

Aŋakiro a ŋun, abu Ekapolon Akuj keŋ tojalak Aas neni a erwosit ka Aram, a ŋolo abu kitiji iŋes kilou ka torik ŋituŋa ka Aas ŋulu alalak nooi, ya Damasko. Abu Ekapolon kipotok Aas neni a erwosit a Isirael a ŋolo abu kitiji iŋes kilou ka toar ŋituŋa ka Aas ŋulu alalak.

Isa. 10:9

Nyikwaan mono Calino ka Carikemis a? Nyikwaan mono Amas ka Aripad a? Nyikwaan mono Samaria ka Damasko a?

Isa. 13:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Babilon.

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 25:2

Ituruwo iyoŋ etaun neni etukotor ŋamoru, ituruwo iyoŋ etaun ŋolo a ŋaduketa aŋunajiet ŋolo emunaara, nyeriŋa eyakasi lotaun ŋakais ŋuna eiunotor ŋigelaanotin, nyedukokin nabo etaun ŋol.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Isa. 7:16

Eriŋa ikoku ŋin nyeyenuna akiŋer aronis ka aseun ajokis, eruwor akwap a ŋirwosi a ŋiarei a ŋulu ikerito iyes ekasile.

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Isa. 8:4

Kitiya ŋun eriŋa ikoku ŋin nyeanyuna atemar papa, kori toto. Ecunari erwosit ka Asiriya abaru a Damasko daadaŋ ka ŋiboro ŋulu eŋatunito ŋituŋa a Samaria daadaŋ.”

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Mika 1:6

Aŋun, eturuwori ayoŋ Samaria ereŋorot ŋolo etukotor ŋamoru anariet, akibois ŋina edupyo ŋikito ŋulu ke epiini, abukori ayoŋ ŋamoru keŋ nakadipaalat, ido emyek neni sek awuatar ŋarwatatain keŋ ileere.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sakar 9:1

Erae nu ŋakiro ke Ekapolon: “Adau iŋes atubun akisican akwap ŋina ka Adirak ka etaun ŋolo a Damasko, anerae etaun ŋolo epol alo Siriya daŋ erae ŋolo ke Ekapolon, lopite ŋolo eraakatar ŋikabilae a Isirael daadaŋ ŋulu ke Ekapolon.

Ŋitic. 9:2

akiŋit ŋabaruwae ŋuna itoodiunito atemar ecamakinitae iŋes alosit losinagogae ŋulu alo Damasko, ikotere ani keryamu ituŋanan idio ŋini enupit Kristo, ekile kori aberu, kikama ikes, toen ya Yerusalem. (Anyaritae daŋ ŋikewuapak a Kristo, “Ŋulu ke Erot.”)

Ŋikis. 13:16

Ŋiboro keŋ daadaŋ ŋulu iŋatunete iyes, emaikina tocunakis nalapatu ŋina alokidiŋ etaun ŋol, tosodi kicunyakis etaun kaapei ka ŋiboro daadaŋ ŋulu iŋatunete iyes nen, ikwapei ainakinet ŋina epeyo neni ke Ekapolon Akuj kus. Eruwor nen ereŋorot ŋoloruba ŋolo nyedukokinio nabo.