Isa. 16:9 - Ebaibul

⁹ Aŋun, egworo ayoŋ lopite ŋolo igworotor ŋituŋa a Yaser egworo ayoŋ aŋuna a ŋikito a epiini a Sibima. Okoe Esibon ka Eleale egworo ayoŋ abuki ŋakiyo aŋuna kus, anerae adaun ecelet ŋolo sek eyai elemio ŋaraito ka ŋikinyom.

Isa. 16:9 Iomraidhean Croise

Isa. 9:3

Itipitu iyoŋ ŋituŋa a akwap, iyatak iyoŋ alelyanu kec. Elelyanete ikes alokiŋaren kon lopite ŋolo elelyanere apaki ŋina elemere, lopite ŋolo elelyaniata ŋituŋa ekorete ŋiboro ŋulu eŋatunete,

Yer. 40:10

Ani eruwor ayoŋ, eboi ayoŋ alo Misipa okowoik iyes alokiŋaren Ŋibabiloniyae ŋulu epote neni yok; nai iyes, emaikina tolema ŋaraito a epiini, ŋaraito ŋuna ka akamu ka akimyet, kiŋadakis ikes loboro kus ka kiboiyoto alotaunio a ŋulu idaut iyes akikamar.”

Yer. 40:12

apotu Ŋiyudayan toboŋut anakiboisyo a daadaŋ a ŋuna keponi ikes kielarae, toboŋut nakwap a Yudaya neni a Gedalia a ŋolo ayai Misipa, tosodi apotu ikes tolema ŋaraito a epiini ŋuna alalak ka ŋaraito ŋuna ka akamu ŋuna alalak.

Esek. 27:31

Ebanyete ikes ŋakyes kec aŋuna kon ka enapete ŋilowi ŋulukigworet. Ikalounete ikes aŋuna kon enomorito ŋakiro ŋitai nooi, erae akigworo ŋina apipilan.

Esek. 32:18

“Lokoku a ituŋanan, kiololo aŋuna a ŋajoresyo a Ijipit, kipotok ikes locan ŋulu akibois a ŋikatwak, kipotok ikes akwap a Ijipit kaapei ka ŋituŋa a ŋakwapin a ŋuna agogoŋok, kipotok ikes kaapei ŋulu enukio napanya.

Ŋikat. 9:27

Toloto ŋituŋa a Sekem lomanikorin kec togerut ŋaraito a epiini, tocuut epiini ido kitiyata ŋasuban. Tosodi toloto kai ŋina ka akuj kec kimuja ka tomata, ido kirworo ejamuwarito Abimelek.