Isa. 16:6 - Ebaibul

⁶ Temasi ŋituŋa a Yudaya neni a ŋituŋa a Moab, “Aponi isua kiirarae epite ŋolo iturotor ŋituŋa a Moab, isupasi ikes nooi, iturosi ka eŋoito, nai erae akituro kec koŋin.”

Isa. 16:6 Iomraidhean Croise

Ŋakit. 21:24

Ituŋanan ŋini eturon, ŋini isupana, ŋini enyaritae ebe, “Eketuron,” erae ŋini itiyae ituro ka isupa.

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 25:10

Ebuni apedor a Ekapolon ayakaun lomukura lo. “Ipudaaryo ŋituŋa a Moab anakibois kec, lopite ŋolo ipudaere ŋanya anakipany a ŋina ka aoret.

Isa. 25:11

Tari kikeut ikes ŋakan kec anakipany lopite ŋolo epetaritotor ŋikekwaŋak ŋakan kec anakipi ikwaŋete; elemaryo akituro kec tari kikatakinito ikes aiun a ŋakan kec.

Isa. 28:15

anerae itemasi iyes, “Acamunoi isua ka atwanare, acamunoi isua ka akibois ŋina a ŋikatwak; apaki ŋina eponiata ŋican ŋulu apipilak, nyepote neni kosi; anerae ikiuna isua analyokonu ka ikiŋopit isua anakirworo alyokonu.”

Isa. 28:18

Elemaryo acamunet kus ka atwanare, ikisaryo acamuna kus ka akibois ŋina a ŋikatwak; ani epote neni kus ŋican ŋulu etubulok, ikimunaarete iyes.

Isa. 44:25

Ayoŋ ŋolo nyemyekini kiyookin ŋakiro ŋuna edwarete ŋimodiyanotin, ayoŋ ŋolo eturuwori ŋikadwarak ŋuna aronok ŋibaŋaanotin ayoŋ alemari asyomit a ŋikaosok, eturuwo aosou kec abaŋao.

Yer. 48:14

Ikokinete iyes ibasi, ‘Ikirae isua ŋikelounak ka ŋikajiok ŋulu etirok’?

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Yer. 48:42

Emunyaryo ŋituŋa a Moab, anerae apotu ikes kitopoloorosi make toŋero Ekapolon.

Yer. 50:36

Earyo a ekileŋ ŋikerujak keŋ, earyo a ekileŋ ŋikajiok a Babilon, ikotere eruworotor ikes ŋibaŋaanotin, ikotere emunyaryo ikes.

Amos 2:1

Alimu Ekapolon ŋakiro nu ebe, “Aŋuna arubakiniata ŋituŋa a Moab itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kicunya ŋakoyo a erwosit ke Edom toruwor ekuron.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”