Isa. 16:5 - Ebaibul

⁵ eruwor nai ipei a ŋiletok a Daudi erwosit, ipukae iŋes ŋituŋa ka amina a ŋina nyiryaŋiryaŋa, eruwor iŋes erwosit ŋolo ipukat anakiyookino ekepukan ŋolo iwarit akiyookino ŋolo iburiburi atipei akitiya ŋuna iyookino.

Isa. 16:5 Iomraidhean Croise

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

1 Ŋirw. 10:9

Akipuro toyai neni ke Ekapolon Akuj kon, ŋina alakari a ŋuna kon, ido ikiinak iyoŋ akiboikin lokicoloŋ ikwapei erwosit a ŋituŋa a Isirael. Aŋuna ka amina ka Akuj Ŋisirael ŋikaru ka ŋikaru, ikituruwo iŋes iyoŋ erwosit, ikotere itubi ŋakiro anakiyookino ka kitiyae ŋuna iyookino.”

2 Ŋakiro a ŋirwa 31:20

Abu Esekia kitiya ŋakiro ŋun alo Yudaya daadaŋ, abu iŋes kitiya ŋuna ajokak ka ŋuna eyookino ka ewuapit Ekapolon Akuj keŋ.

Ŋikiru. 85:10

Eyakaun amina ka Akuj neni a ŋulu ikinyoma, einakini Akuj ekisil neni a ŋulu iyookino,

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Ŋikiru. 96:13

alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Ŋikiru. 99:4

Okoe Erwosit ŋolo etiron, imina iyoŋ akiyookino, idau iyoŋ akiwuakin akiyookino Isirael; idau iyoŋ ayaun akiyookino ka akitub ŋakiro anakiyookino.

Ŋakit. 20:28

Epedorete amina ka akikinyoma akiturubakin erwosit ipukat emam ŋace, iturubakini akiyookino iŋes eyai lokicoloŋ emam ŋican.

Ŋakit. 29:14

Ani ketuboki erwosit ŋikulyakanotin pa itoroniyarit, eyakaun apukan keŋ emam ŋace apaki ŋina aoyan.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 55:4

Kiirasi, abu ayoŋ eturuwo Daudi esuuda aneni a ŋituŋa, ekarikon ka ekepukan a ŋituŋa.

Dan. 7:14

Aponi inakinae iŋes apukan ka apolou ta arwosiyo, ikotere itiyanakineta iŋes ŋituŋa daadaŋ, ŋakwapin ka ŋituŋa ŋulu irworosi ŋaŋajepa ŋuna egelegelya. Erae apukan keŋ ŋina a ŋikaru ka ŋikaru, ŋina nyedaun ka nyemunaaryo apukan keŋ.”

Dan. 7:27

Einakinio nakan a ŋituŋa a ŋulu ka Akuj a ŋina alokidiama nooi arwosiyo ka apukan ta apolou nooi a ŋakwapin a daadaŋ anakwap. Eruwor apukan kec ŋina a ŋikaru ka ŋikaru, tosodi itiyanakinete ka iwuapete ŋituŋa a ŋapukasinei a daadaŋ ŋakiro kec.”

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”