Isa. 16:12 - Ebaibul

¹² Ani ecunakinosi ŋituŋa a Moab akilip nakibois kec ŋina aoyan, ituupasi akilip a nen koŋin; ani elosete ikes akilip nakiriket kec, emam ibore eryamunete.

Isa. 16:12 Iomraidhean Croise

1 Ŋirw. 11:7

Abu nai Solomon todukok akai a Cemes akuj a Ŋimoabi ka todukok akai a Milikom a akuj a Ŋiamoni kidiama emukura ŋolo eyai Kide Yerusalem.

1 Ŋirw. 18:29

Ani elunyar kidiŋ apaaran, torubakis ŋikadwarak a Baal edwarete nooi esibit ŋibaŋaanotin, todol tari apaki ŋina einanakinere ŋainakineta, nai mam etoil aponi kiirarae, mam ŋini abu toboŋok ikes ka mam ŋini amitakinit ŋakiro kec.

2 Ŋirw. 19:12

Apotu koloŋ atapapaa kosi kinyasut ŋitaunio Gosan ka Aran ta Resep, tosodo tomunyasi ŋituŋa ŋulu a Eden ŋulu alomito Telasar. Mam ŋakujo kec ŋuna apotu tolakut ikes.

2 Ŋirw. 3:27

Abu nai iŋes toar lokoku keŋ ŋolokiyae ŋolo etemokino kilunyokin lokicoloŋ keŋ kipuka, kicuny iŋes erae amuronot anarwatata. Min anyunyura ŋina apolon nooi neni a Ŋisirael, kibelekinos toboŋosi nakwap kec.

Ŋakit. 1:28

apaki nai ŋin inyaraata iyes aosou ikiŋarak iyes, nai nyikiŋarakini aosou iyes apaki ŋin, apaki ŋin, iwarete iyes aosou ilelakinito, nai nyiryamunete.

Isa. 15:2

Aloto ŋituŋa a Dibon kai ka akuj kec, aloto ikes nakiboisyo ŋuna aoyak akigworo; Iwololoete ŋituŋa a Moab aŋuna a ŋitaunio a Nebo ka Medeba. Elurito ŋituŋa daadaŋ abanyany ŋitim ka ŋipeneka,

Isa. 16:13

Erae ŋun ŋakiro ŋuna abu Ekapolon kirwor koloŋ sek aŋuna a ŋituŋa a Moab.

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Isa. 37:38

Akoloŋit apei eriŋa Senakerib ilipi alokai a akuj keŋ a ŋina anyaritae Nisirok, apotu ŋidwe keŋ ŋulusapa Adiramalek ka Sareser toara iŋes a ekileŋ, ido tosiwa nakwap ŋina ka Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Isa. 47:13

Ikiup iyes akiŋitanar ŋakiro ŋuna emaikina kitiyata, emaikina ŋulu eyenete epite ŋolo eyakatar ŋisubuna ŋulu alokidiama towua aŋuna ka iun iyes, emaikina ŋulu eripiripiyete epite ŋolo eyakatar ŋikacer ka ŋolo eyakar ŋololap elomuni todwara aŋuna kus ŋuna itiyakin neni kus.

Yer. 10:5

Ikwaan ŋakujo kec ka ŋiboorei ŋulu itwarere ŋikyeny alomanikor a ŋolo itakinitae ŋakolil, nyepedorete ŋakujo ŋun akirworo, iwokitae ikes anerae nyepedorete alosit. Nyikuryaketa aŋuna kec, anerae nyepedorete ikes akitiya aronis, kori nyepedorete daŋ akitiya ajokis.”

Yer. 48:13

Irumete nai ŋituŋa a Moab ŋileec aŋuna a akuj kec Kemos lopite ŋolo erumyata ŋituŋa a Isirael ŋileec aŋuna a akuj Besel a ŋina ekinyomito ikes.

Yer. 48:35

Tosodi, alimu Ekapolon atemar, amunyari ayoŋ alo Moab ŋituŋa daadaŋ ŋulu einanakinete ŋamuronisya anakiboisyo a ŋuna aoyak ka ŋulu einanakinete ŋainakineta neni a ŋakujo kec.

Yer. 48:46

Ekaŋ iyes, okoe iyes ŋituŋa a Moab! Amunyar ŋituŋa a akuj Kemos anerae ekamar ŋidwe kus ŋulusapa ka arikor ŋidwe kus ŋulupesur.

Yer. 48:7

“Kire jik, aŋuna iponiata iyes kikinyoma ŋaduketa kus ŋunajiet ka abaru kus, iyes daŋ ikikamaryo. Eyaaryo akuj kus Kemos nakwap ace kaapei ka ŋisacaradotin keŋ ka ŋiketiyak keŋ.

Ekim. 21:28

Abu akim tonepu alotaun a Esibon, abu arira torirau alotaun a Sikon. Abu arira tonomiya Ar etaun a Moab, abu tonomiya ŋimukura a ŋulu ayonae ka Arinon.

Ekim. 22:39

Tosodi toloto Balaam ka Balak todolo Kirias-Usos.

Ekim. 22:41

Akoloŋit ŋina atupakini ŋin, ya Balak Balaam kitipeiyorya Bamos-Baal, apedorit iŋes a nen akiŋolikin Ŋisirael ŋice.

Ekim. 23:14

Aŋun abu Balak ya Balaam nakibois ŋina anyaritae Sopim alokidiama emoru Pisiga. Todukok Balak ŋamuroeta ŋakanikaarei nen, tosodi inak erae amuronot emoŋ epei ka emesek epei alokidiama ŋinamuroet.

Ekim. 23:28

Abu nai Balak ya Balaam kidiama emoru Peor, ŋolo erounit aloŋisat.

Ekim. 24:17

Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.