Isa. 16:10 - Ebaibul

¹⁰ Alemar alakara ka alelyanu aneni a ŋimanikorin a ŋulu araak, ido adaun ituŋanan eriŋa eeo alomanikorin a ŋikito a epiini mam ituŋanan eriŋa ecela a nen, mam ituŋanan eriŋa ecui epiini anacuet, anerae alema ayoŋ ŋulu sek ecelasi a nen.

Isa. 16:10 Iomraidhean Croise

Yob 24:11

Ecuyete ŋikulyak akimyet anaraito ka Olipa alokidiŋ ŋikito ŋulu eya neni iboiyoto ikes, ecuyete ikes epiini anaraito a epiini ipudaete, nai erubakinit akure enyamit ikes.

Isa. 24:11

Ecelasi ŋituŋa a ŋulu a etaun alorotin aŋuna emamukar epiini, apuripuryaar alelyanu daadaŋ, adaun alakara anakwap.

Isa. 32:10

Alotooma apaki adio cici ŋina edeparit ekaru, imaranikinete iyes ŋuna idelasi tokona, anerae nyekokete ŋaraito a epiini, nyilemete iyes ŋaraito a epiini.

Yer. 48:33

Alemar alakara ka alelyanu anakwap a Moab a ŋina sek ileleba ŋaraito. Etojoŋo ayoŋ epiini alel anacuet a epiini; mam ŋituŋa ecuyete epiini eosi ka alakara, nyeriŋa ecelet erae ŋolo ka alakara.

Esek. 7:7

Adolu amunyaro kus neni kus, iyes ŋituŋa ŋulu iboiyete anakwap a Isirael. Adolu esaa, aapuu akoloŋit ŋina ke ekaile meere ŋina ebolyare itiyao ŋasuban alomoru.

Yoel 1:12

Ainiyasi ŋikito ke epiini, ageeneun ŋiboboryo. Aoko ŋikito ŋulu ikwaan ka ŋikacikiciki ŋulu enyaritae Pomegrate ka aoko ŋidukan ka ŋaraito ŋuna enyaritae aples, aoko ŋikito ŋulu ke emanikor daadaŋ. Kire jik, apuripuryaar alelyanu a ŋituŋa,

Amos 5:11

aŋuna isicaniata iyes ŋikulyak, ido ilemanerete aneni kec ŋikinyom ka agogoŋu, tari kidukito iyes ŋakais kus a ŋamoru a ŋuna icietae ejok, nyiboikinosi iyes nakais ŋun; tari kidupito iyes epiini namanat ŋuna ajokak a ŋalup, nyimasete iyes epiini a ŋikito a ŋul.

Amos 5:17

Eyakaun akiwolol lomanikorin ŋulu ke epiini daadaŋ, anerae abuni ayoŋ akisican iyes.’ ”

Amos 9:13

“Ebala Ekapolon, ‘Ebunit apaki ŋina erukaununotor akitare ka akilem, ekoni epiini eriŋa ecuyo ŋolo paaran alemunio, eituni epiini alomoru, eleleiyari epiini alokamukumukui.

Sepan. 1:13

Eŋatarete ŋituŋa ŋuluce ŋiboro kec, ebwaŋabwaŋaaryo ŋakais kec. Edukokinete ikes ŋakais, nai nyiboikinosi ikes nakais ŋun; edupakinete ikes ŋikito ke epiini; nai nyemasete epiini a ŋikito a ŋul.”

Ŋikat. 9:27

Toloto ŋituŋa a Sekem lomanikorin kec togerut ŋaraito a epiini, tocuut epiini ido kitiyata ŋasuban. Tosodi toloto kai ŋina ka akuj kec kimuja ka tomata, ido kirworo ejamuwarito Abimelek.