Isa. 15:7 - Ebaibul

⁷ Aŋun, elosete ikes etubete ayonae ŋina a ŋikwaŋae a ŋulu enyaritae Wilo, iwokito ŋiboro daadaŋ ŋulu alalak ŋulu apotu ikes toryamut ka ŋiboro daadaŋ ŋulu apotu ikes kidyata.

Isa. 15:7 Iomraidhean Croise

Isa. 10:14

Adau ayoŋ alemun ebari a ŋituŋa a ŋakwapin lopite ŋolo elemunia ituŋanan ŋabeyei alokai a ikyenyit, ikwapei ecunakiniata ŋituŋa ŋabeyei ŋuna imyekinitae, acunak ayoŋ ŋakwapin daadaŋ; mam apei ŋina abu eketijik ayoŋ, kori toramak eli.”

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 15:8

Itiyaete ikes ŋun, anerae eryam akigworo kec akwap a Moab daadaŋ, adol akiwolol kec Egilaim, adol aumen kec Berelim

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 5:29

Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Yer. 48:36

Aŋun, iyaloloŋi etau kaŋ aŋuna a Moab ka aŋuna a ŋituŋa a Kir-Eres lopite ŋolo ekusya ituŋanan apilu apaki ŋina iyaloloŋere, anerae adaun abaru kec ŋina apotu toryamut.

Ŋilep. 23:40

Ani edoli akoloŋit ŋina esyaunan, tolemutu ŋaraito ŋuna ajokak alokito a ŋulu apolok, tolemutu ŋaten a ŋiŋolya, ŋaten a ŋikuyono ŋuna elalak ŋakuii ka ŋatetelei ŋuna elomete anayona, ido tolelyana alokiŋaren Ekapolon Akuj kus ŋirwa ŋikanikaarei.