Isa. 15:5 - Ebaibul

⁵ Iyaloloŋi etau kaŋ a ŋuna a Moab, aema ŋikadokinok keŋ Soar ka aema Egilas-Selisiya. Etipeiyosi ikes alorot a ŋolo elosi Luis, itipeete ikes igworosi; elosete ikes alorot a ŋolo Oronaim igworosi aŋuna ka akinyasuno.

Isa. 15:5 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Akisy. 14:2

apotu ŋirwosi ŋuluomwon ŋul kiiryakin ka ŋirwosi lu ŋikan: Bera erwosit ŋolo a Sodoma, Birisa erwosit ŋolo a Gomora, Sinab erwosit ŋolo ka Adama ka Semebar erwosit ŋolo a Seboim ta erwosit ŋolo a Bela (iŋes Soar).

Akisy. 19:22

Kiwonyak, toem inaa, anerae emam ŋuna etiyakini ayoŋ eriŋa iyoŋ nyedolo inaa.” Aŋun, aponi tolimokinae ekiro a etaun a ŋolo aemi Lot Soar.

2 Sam. 15:23

Kikalout ŋituŋa anakwap a ŋin daadaŋ, kiworout apaki ŋina arotokinioto Daudi ka ŋirukitos keŋ. Todoka erwosit ekekwaye ayonae ŋina enyaritae Kidiron. Kikomaasi ŋituŋa ŋulu arotokinete daadaŋ lowae ŋolo ka aloŋisat.

2 Sam. 15:30

Nai torotok Daudi a nen, kitipek emoru a ŋikito a ŋulu enyaritae Olipa, igworo elosi pa enapit ŋamuk; kimukite akou. Emukito ŋituŋa daadaŋ ŋulu arukito ka iŋes ŋakyes, kigworosi itipeete emoru.

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 22:5

Esubakinit Ekapolon a ŋajoresyo akoloŋit, akoloŋit ŋina ka akiguro ka akipuda ta akibiler, itiyakin ŋun anakadipaalat a ŋina a akisileerekinet, akoloŋit ŋina eritakinere ŋarwatatain ka ŋina igworotor ŋituŋa enyarito ŋimoru kiŋarakis ikes.

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 17:16

Nai nyimyekina ayoŋ araakau ekeyokon alotic kon, kori nyiitana ayoŋ aneni kon ainakin ayoŋ apaki ŋina ka akisicanio. Iyeni iyoŋ ŋakiro ŋuna abu ayoŋ olimu, eleereete ŋakiro kaŋ alokiŋaren kon.

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 48:3

“Okoe, kiirasi akigworo alo Oronaim, ebasi ŋituŋa igworosi, ‘Aryamun bare ca ekasile ka akinyasuno ŋina apolon!’

Yer. 48:5

Itipeete ikes anadokaret Luis igworosi nooi, epupyo ikes igworosi apaki ŋina etiyaunotor Oranaim, igworosi ikes epipilikinito ŋakiro ŋuna ka akinyasuno.

Yer. 50:46

Apaki ŋina iirare eruye ŋolo ikamarere Babilon, emaranikini akwap, ido iirarete ŋituŋa a ŋakwapin akigworo kec.

Yer. 9:10

“Tema Yeremia, Egworo ka ewololoe ayoŋ aŋuna a ŋimoru ka ewololoe aŋuna a ŋinya a ŋulu ka aloŋisat, anerae aruwor ŋikoŋinae, emam ibore itorenene nen, nyeriŋa epupyo ŋaatuk erwosi a nen, aekasi ŋikeny ka ŋityaŋ a nen.

Ekim. 21:29

Ekaŋ iyoŋ, okoe Moab! Ikimunyar iyes, okoe ŋituŋa a akuj Kemos! Eturuwo akuj ŋin ŋikilyok ŋulu ikinyomito iŋes ŋikayarak anakwapin ka aruworosi ŋaberu ŋuna ikinyomito iŋes ŋarikon a erwosit Sikon, erwosit a Ŋiamori.