7 Eeŋut ŋituŋa daadaŋ anakwap, eliliŋa; ageut acela eosi.
Iyes ŋituŋa daadaŋ toramakisi ŋakan kus, kitoodiunito alelyan kus, kipuro Akuj ieosi nooi,
Toeikisi eete ŋolokitete neni ke Ekapolon; anerae etiya iŋes ŋuna ka aumokin. Elou iŋes a apedor keŋ ka a agogoŋu keŋ a ŋina asegan.
Ani eryamunito ŋulu iyookino ibore daadaŋ ŋini ecamito, elelyanete ŋituŋa daadaŋ alotaun, ani etwakete ŋulu aronok, eyakaun lotaun ecelet ŋolo ka alelyanu.
Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.
Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.
Ekaku ŋun, ecelunete ka alelyanu, ŋisubuna daadaŋ ŋulu alokwap ka ŋulu alokidiama, aŋuna ka akinyasuno a Babilon, anerae epote ŋikenyasak alo Kuju akitijikin Babilon.
Alimu Ekapolon Akuj atemar, eketuruwori ayoŋ iyoŋ neni asilon, ikotere ŋituŋa a akwap a daadaŋ elelyanete aŋuna iruworor iyoŋ akoŋinait,
Apotu nai ikes kisirworikis emalaika ke Ekapolon ŋolo awoi alokidiŋ ŋikito ŋulu ikwaan ka ŋikamurya temasi, “Erimokin isua akwap, ido aryamun atemar eyai akwap daadaŋ inapakina ka isilit.”
Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!
