Isa. 14:6 - Ebaibul

⁶ a ŋulu kepotu kisicana ŋituŋa anaryenyeo a ŋina pa eeŋanaryo, a ŋina epukatotor ikes ŋituŋa anaŋoit.

Isa. 14:6 Iomraidhean Croise

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Yob 9:13

“Erae iŋes Akuj ŋina nyejoŋoenene anyunyura, ijuuruyete alokwap keŋ tari ŋikeŋarakinitok a Raab.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

Isa. 10:14

Adau ayoŋ alemun ebari a ŋituŋa a ŋakwapin lopite ŋolo elemunia ituŋanan ŋabeyei alokai a ikyenyit, ikwapei ecunakiniata ŋituŋa ŋabeyei ŋuna imyekinitae, acunak ayoŋ ŋakwapin daadaŋ; mam apei ŋina abu eketijik ayoŋ, kori toramak eli.”

Isa. 14:5

Alema Ekapolon apedor a ŋolo aronon, alema Ekapolon apedor a ŋikepukak

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Yer. 25:26

ŋirwosi daadaŋ ŋulu a ŋakwapin a ŋuna alo Kuju, a ŋuna eapiyete ka a ŋuna alwanak eryamunete ŋulutuŋa ŋun ekaku a ŋuluce; eryamunete ŋapukasinei daadaŋ ŋuna ka akwap a daadaŋ ŋican ŋul. Ekaku kec daadaŋ, toryamu nai erwosit a Sesak.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 48:17

Iyes ŋikidunyet a Moab, kigworo aŋuna keŋ ka iyes daadaŋ ŋulu iyenete ekiro keŋ, temasi iyes, ‘Enyasun bare ca apukan keŋ ŋina agogoŋon, adaun bare ca akibuses a apukan keŋ!’

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Dan. 4:35

Erae ŋituŋa daadaŋ ŋulu ka akwap ŋicaryo, itiyae iŋes ŋuna ecamit neni a ŋisubuna a ŋulu eya kidiama ka neni a ŋulu iboiyete anakwap. Mam ituŋanan epedori akiretakin ŋuna ecamit iŋes akitiya, kori epedori akiŋit ebe, “Nyo itiyae iyoŋ?”

Abak. 1:17

Erubakini mono iŋes jik isitiyae ŋileŋia keŋ ka emunyanari ŋituŋa a ŋakwapin emam akisyon a?

Abak. 2:5

Emodiyana ebari. Ŋiyeŋunenete ŋituŋa ŋulu eturok, eŋaamete ikes nooi ikwa akibois a ŋikatwak, ŋakiro ŋun iŋes ikamanaryata ikes ŋakwapin ka ŋakwapin kituruwosi ŋuna kec.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.