Isa. 14:31 - Ebaibul

³¹ Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 14:31 Iomraidhean Croise

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 14:29

Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 16:7

Aŋun, kimyekisi ŋituŋa a Moab kiwololoto, kimyekisi ŋituŋa daadaŋ kiwololoto aŋuna a Moab. Kigworo, kigworo ikiilorito ŋakiro aŋuna ka akimuj a ŋina ajokan a ŋina imujete iyes alo Kir-Areses.

Isa. 20:1

Alokaru a ŋolo abunio ekapolokiniton ŋasigarya ka Asiriya ŋolo eyakuunit Sarigon erwosit ka Asiriya Acidod neni abu ekapolokiniton a ŋasigarya ŋol torem, ido kikama,

Isa. 24:12

Edoŋ ekasile lotaun, abwaŋabwaŋaar ŋipukei a etaun enyasun.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 34:16

Kiwara ka tosyoma alokitaabo a Ekapolon ŋakiro nu: Mam ipei daŋ a ŋikyeny a ŋul ŋini emamukaun, mam ŋini nyeyakaun emam ŋiniberu ka ŋinikile. Adau Ekapolon alimun ŋun ka adau etau keŋ acunun ikes.

Isa. 45:2

“Ekeŋarenikini ayoŋ iyoŋ, alemari ayoŋ ŋatyokisyo alokiŋaren kon, anyilinyiliyari ayoŋ ŋipukei ŋulu itiyaunitae a eburonis, atubutuboori ayoŋ ŋasuwa ŋuna iloritere ŋipukei,

Yer. 1:14

Abu nai Ekapolon tema neni kaŋ, “Epote ŋican alo Kuju kielakin ŋituŋa ŋulu iboiyete anakwap daadaŋ.

Yer. 47:2

“Topupok, anyout ŋakipi alo Kuju, ido eruworosi akalele ŋina ti apolon, elelekinete akwap ka ŋinibore daadaŋ eyai nakwap, elelekinete ŋitaunio ka ŋituŋa daadaŋ ŋulu iboiyete alotaunio, igworete ŋituŋa, iwololokinete ŋituŋa daadaŋ ŋulu iboiyete anakwap.

Yer. 47:4

aŋuna ka akoloŋit a ŋina ebunit, akoloŋit a ŋina emunyarere Ŋipilistin, emunyaryo alo Tiro ka Sidon ŋituŋa daadaŋ ŋulu edoŋito ŋulu amaikina kiŋarakis Ŋipilistin, anerae elosi Ekapolon amunyar Ŋipilistin, emunyari Ekapolon ŋipiya a ŋituŋa a ŋulu iboiyete alodiyete anam aneni enyaritae Kapitor.