Isa. 14:3 - Ebaibul

³ Apaki ŋina ikisieŋunia Ekapolon iyes anaryebo alocan ka alotic a ŋolo agogoŋon a ŋolo ikitiyakinitae iyes,

Isa. 14:3 Iomraidhean Croise

Isa. 11:10

Ebunit akoloŋit ŋina eyakaunor eletonit a Yese, eruwor iŋes akitoodikinet neni a ŋituŋa a ŋakwapin, epote ŋituŋa a ŋakwapin akiŋitanar iŋes ka eruwor akibois keŋ ŋina ecai nooi.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 30:8

Alimu Ekapolon ŋolo a ŋajoresyo ebe, “Akoloŋit ŋin alemari ayoŋ ayokot alomosiriŋin a ŋituŋa kaŋ, olema ŋiriko ŋulu eenitere ikes, nyerubakinete nabo ŋigelaanotin ituruworito ikes ŋiketiyak kec.

Yer. 50:34

Egogoŋ Ekalakunan kec, erae ekiro keŋ Ekapolon ŋolo a ŋajoresyo. Kire jik eji iŋes aŋuna kec, ikotere eyauni ekisil nakwap kec, nai eyauni iŋes egurigur ŋoloruba neni a ŋituŋa a Babilon.”

Esek. 28:24

“‘Nyeryamunete nabo Ŋisirael ŋikidunyet ŋulu enyasak ŋulu a ŋiman, ŋulu ikwaan ka ibore ŋinikwaam ŋini epipil ikimeme, kori ŋulu ikwaan ka ŋikukwa ŋulu eitaaka. Eyenunete ikes apaki ŋin atemar arae ayoŋ Ekapolon Akuj.’”

Sakar 8:2

“Acamit ayoŋ ŋinapei akiŋarakin Yerusalem aŋuna epoloo nooi amina kaŋ aŋuna a ŋituŋa keŋ, amina ŋina akainaki ayoŋ aŋoikin ŋimoe keŋ.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Ŋikis. 28:48

a ŋakiro a ŋun, ipote iyes akitiyanakin ŋimoe kus ŋulu ebuni Ekapolon ikiyakuun akitijikin iyes, itiyanakinete iyes ikes ikinyamit akoro ka akure, ilerete ka imamukatar ibore idio. Ikisicani iyes Ekapolon tari ŋina ikimunyarya.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!