Isa. 14:29 - Ebaibul

²⁹ Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 14:29 Iomraidhean Croise

2 Ŋirw. 18:8

Abu Esekia kitiji Ŋipilistin ameun alotaunio a ŋulu cicik tari ŋulu apolok akitodol lotaun Gasa ka akwap ŋina edunyatar.

2 Ŋakiro a ŋirwa 26:6

Abu Usia tolot akitijikin Ŋipilistin, tobwaŋabwaŋaa ŋarwatatain ŋuna ke etaun Gas ka ŋuna ke etaun Yabine ta ŋuna ke etaun Acidod ka abu todukok ŋitaunio diyete Acidod ka iwace anakwap a Ŋipilistin.

2 Ŋakiro a ŋirwa 28:18

Kepotu daŋ Ŋipilistin tomemoto ŋitaunio a Yudaya ŋulu ayakasi Sepela ka Negeb, ido keris kikamasi ŋitaunio lu: Bes-Semes, Aijalon, Gederos, Soko ka ŋirerya keŋ, Timina ka ŋirerya keŋ ka Gimiso ka ŋirerya keŋ ka kepotu Ŋipilistin kiboikinos lotaunio ŋul.

Ŋakit. 24:17

Nyilelyan apaki ŋina ereunere ŋimoe kon, ido nyicamak etau kon elakar apaki ŋina eryamuniata ŋimoe kon ŋican.

Isa. 11:14

Nai iuwuarosi ikes kwap lowae ŋolo alo To toremo Ŋipilistin, eŋatarete ikes kaapei ŋiboro a ŋituŋa a ŋulu alo Kide. Eremete ikes ka kilout ŋituŋa a Edom ka Moab, iwuapete ŋituŋa ka Amon ŋakiro kec

Isa. 11:8

Ebolyae ikoku ŋini cici anakituk a akai a emun a ŋolo aaran a akisorit irepakini ikoku ŋini epetoritae akan keŋ kai a akipom.

Isa. 14:31

Okoe Ŋipilistin, kiwololoto alopukei, kigworo alotaunio aŋuna ka akiŋarakino, tomarana ikibulit iyes daadaŋ, anerae ebunit apuwa alo Kuju apuwa ŋina a ŋasigarya a ŋuna adedeŋak, a ŋuna emam ŋikarikok kec ŋini ekuryana.

Isa. 2:6

Okoe ŋituŋa a Yakob, imyekis iyes akiwuap ŋuna a ŋituŋa kus. Elalak alokidiŋ kus ŋimurok ŋulu eponito alo Kide, elalak ŋikadwarak ŋulu eponito alo Pilistia, aruwor ikes ŋipei ka ŋituŋa ŋulugelae.

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Yer. 47:1

Ani eriŋa erwosit Parao nyeremo Gasa, kirwor Ekapolon neni a ekadwaran Yeremia aŋuna a Ŋipilistin tema,

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Esek. 25:15

“Alimu Ekapolon Akuj atemar, aŋuna aponiata Ŋipilistin tomasikis itiyaete anyaŋan eryenyanikinito ŋimoe kec aloman aŋuluŋorok ka aŋuna aponiata kiwara amunyar ikes,

Esek. 26:2

“Lokoku a ituŋanan, aŋuna aponiata ŋituŋa a Tiro temasi neni a Yerusalem ebe, ‘Coe! Kebilibiliyar etaun ŋolo itoreneneete ŋituŋa a ŋakwapin; edoŋ ŋipukei keŋ itaditadasi eŋaara aŋuna kosi; ebaryo nai tokona isua, anerae nyeriŋa Yerusalem ejokuni.’

Esek. 35:15

lopite ŋolopei ibunio iyoŋ tolelyan aŋuna abunio akwap a Ŋisirael toruwor akoŋinait, aŋun, etiyakini ayoŋ neni kon ŋuna ikitisilunete iyoŋ. Iruwor iyoŋ ekoŋinait, iyoŋ emoru Seir ka akwap a Edom daadaŋ. Eyenunete nai ŋituŋa daadaŋ atemar arae ayoŋ Ekapolon.”

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Yoel 3:4

“Nyo ikimanitotor iyes ayoŋ okoe Tiro ka Sidon ta ŋakiboisyo ŋuna a Ŋipilistin daadaŋ, inyaŋete iyes ŋadi neni kaŋ itiyaete ŋun a? Ani kinyaŋete ŋadi, eburuburakini ayoŋ akinyakakin iyes atipei pena nakyes kus ŋuna itiyaete iyes.

Amos 1:6

Alimu Ekapolon ŋakiro nu ebe, “Aŋuna arubakiniata ŋituŋa a Gasa itiyaete ŋasecisya ŋuna alaak nooi, nyaesikini ayoŋ akisican ikes, anerae apotu ikes torikosi ŋituŋa daadaŋ alorerya kec, togyelasi erae ŋipi neni a ŋituŋa ke Edom.

Amos 1:8

Amunyari ayoŋ ŋituŋa daadaŋ ŋulu iboiyete alotaun Acidod, kaapei ka erwosit ka Asikelon; esicani ayoŋ ŋituŋa ŋulu iboiyete alotaun Ekiron, emunyar ŋipiya a Ŋipilistin daadaŋ.”

Obad. 1:12

“Nai pa etemokino iyoŋ towo kiteo ŋiletok alokaato kon, akoloŋit ŋin ŋina ekamaryata ŋituŋa ikes; pa etemokino iyoŋ tolakar aŋuna ka amunyaryo, a ŋidwe a Yuda a ŋulusapa, akoloŋit ŋin; pa etemokino iyoŋ torem ikes, akoloŋit ŋin ŋina ayakatar ikes locan.

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Sepan. 2:4

anerae imyekinio Gasa emam ituŋanan eyai, ido inyasunio Asikelon; iritaryo ŋituŋa ka Acidod edoli kidiŋ apaaran, ido elemaryo Ekiron aneni eyai.”

Sepan. 2:5

“Okoe iyes ŋituŋa ŋulu iboiyete alodiyete anam, iyoŋ akwap ŋina a Ŋikerisi! Ikiremokino iyes akirot ke Ekapolon. Okoe iyes Ŋikanaani, akwap ŋina a Ŋipilistin; akamunyari ayoŋ iyes todaun ŋini idoŋi.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Sakar 9:5

Iŋolikinete ŋituŋa ŋulu eyakasi lotaun Asikelon ŋakiro ŋun, ido ekuryakyarosi. Ŋituŋa a Gasa daŋ, iŋolikinete ŋun, toryamut aryeba ŋina apipilan nooi. Ŋituŋa ka Ekiron daŋ, iŋolikinete ŋakiro ŋun, ido epuripuryaar akigeno kec. Etwani erwosit ŋolo a Gasa, imyekinio Asikelon erae ereŋorot koŋin.

Ekim. 21:8

Tolimok Ekapolon Moses tema, “Kitiyau etorube a emun a ŋolo a akisorit, ido kikacak lopir, ituŋanan daadaŋ ŋini ekonyi emun, emaikina kiŋoliya lotorube a emun a ŋol, ido eyari ituŋanan ŋin.”

Yos. 13:3

Ameun aneni enyaritae Sikor alo Kide Ijipit akitodol lokukoru a Ekiron alo Kuju, imaritae nen daadaŋ erae akwap a Kanaan. Eraakasi ŋirwosi a Ŋipilistin ŋikan; epei ŋolo a Gasa, epei ŋolo ka Acidod, epei ŋolo ka Acikelon, epei ŋolo a Gas ka epei ŋolo a Ekiron ta ŋulu ka Apim.