Isa. 14:23 - Ebaibul

²³ Eturuwori ayoŋ Babilon neni iboiyoto ŋapupui neni eya ŋataparin, apyaari ayoŋ Babilon omunya ibore daadaŋ a nen.”

Isa. 14:23 Iomraidhean Croise

1 Ŋirw. 14:10

Aŋun, ayauni ayoŋ ŋuna aronok neni a ŋituŋa a ekal a Yeroboam. Amunyari ayoŋ aneni a Yeroboam ŋikilyok daadaŋ, ŋipi ka ŋulu nyerae ŋipi alo Isirael. Ecunyari ayoŋ ŋituŋa a ekal a Yeroboam lopite ŋolo icunyia ituŋanan aoret todaun daadaŋ.

2 Ŋirw. 21:13

Esicani ayoŋ Yerusalem lopite ŋolo abu esicania Samaria. Esicani lopite ŋolo esicania Aab ŋolo arae erwosit a Isirael kaapei ka ŋiletok keŋ. Ani ŋituŋa a Yerusalem, apyaari pye, kidoŋ Yerusalem eorori ikoni atuba ŋina ilotaryo, ido tobuburiyarae.

Isa. 13:20

Mam ituŋanan iboikin nabo Babilon, kori eyakaun nabo nen tari ananyameta a daadaŋ. Nyedukokinete Ŋimarabui ŋiemae kec nen, nyimyekinete ŋikeyokok ŋamesekin kec euryanete a nen.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Yer. 50:26

Potu alowaetin a daadaŋ akitijiore Babilon, toŋaasi ŋidulae keŋ, totukokisi ikwa nyikinyom ŋawat a ŋituŋa keŋ a ŋulu etwakito, ido tomunyasi iŋes jik; nyimyekis idiobore keŋ kidoŋ.

Yer. 50:3

“Eponito alo Kuju ŋituŋa a akwap ŋulu itijikinete iŋes, itoruworete ikes akwap a Babilon ereŋorot ka mam ituŋanan ebuni akiboi a nen, eemete ŋityaŋ ka ŋituŋa a nen.

Yer. 51:62

itema, ‘Okoe Ekapolon, ibu iyoŋ elope tolimu atemar inyasuni akibois na, ikotere nyeyar ŋituŋa, kori ŋityaŋ anakibois a na ka ikotere eruwor iŋes ereŋorot ŋikaru ka ŋikaru.’

Sepan. 2:14

Eruwor nen neni euryaniata ŋaatuk, eruwor nen akibois a ŋityaŋ a ŋulu ka ariet; akibois ŋina iboiyoto ŋitulae ka ŋikurukwa a nakyes a ŋipirin keŋ; eruwor lodirisae keŋ erwotor ŋitulae, eruwor nalosin keŋ erwotor ŋikurukwa; anerae ielaryo ŋakito ŋuna a Cedar ŋuna sek eya kidiama ŋakais keŋ.

Akis. 14:8

Abu emalaika ŋolo a ŋiarei kiwuapak ŋolo ke ekiŋaren tema, “Aukor iŋes! Aukor Babilon ŋolo apolon nooi! Ŋolo abu kitamat ŋakwapin daadaŋ epiini keŋ ŋolo ka amalao!”

Akis. 18:2

Abu kiworou a etoil a ŋolo apolon tema, “Aukor iŋes! Aukor Babilon ŋolo apolon nooi! Aruwor ere ŋolo a ŋipyan ka ŋauyenito; iboiyete tokona ŋikyeny ŋulu asiilyanak ka ŋulu aronok aneni keŋ.