Isa. 14:2 - Ebaibul

² Eyaete ŋituŋa a ŋakwapin ikes nakwapin kec, ido kinyakut nabo ikes nakibois kec, epolokinete nabo ŋituŋa a Isirael ŋituŋa a ŋakwapin, ikwaanikin ŋituŋa ŋulugelaanotin ka ŋapi ta ŋipi anakwap a Ekapolon, eyaete ikes erae ŋirikon ŋulu apotu kikamasi ikes ka ipukaete ŋulu apotu kisicana ikes.

Isa. 14:2 Iomraidhean Croise

Esir 2:65

pa imaritae ŋiketiyak ka ŋaketiyak kec ŋulu arae ekimar kec ŋalipyo ŋakanikaarei ka ŋamiae ŋauni ka ŋatomoniuni ka ŋakanikaarei, ayakatar daŋ ŋakaeok ka ŋikaeok ŋamiae ŋaarei.

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Isa. 18:7

“Apaki ŋin eyaunio ŋainakineta neni ke Ekapolon a ŋolo a ŋajoresyo, eyaunio aneni a ŋituŋa a ŋulu aoyak tosulut ŋawat aneni a ŋituŋa a ŋulu ekeritae alodiye kec ka aneni alwanan, aneni a ŋituŋa a akwap a ŋina agogoŋ ka a ŋina iloununui ŋimoe keŋ, nakwap ŋina etyakito ŋaŋololin. Epote ŋituŋa ŋul lomukura Sion neni enyaritere ekiro a Ekapolon a ŋolo a ŋajoresyo.”

Isa. 31:8

Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 49:22

Alimu Ekapolon Akuj ŋakiro nu, “Eapi ayoŋ akisican ŋituŋa a ŋakwapin, ekea abendera kaŋ kiŋolikis ŋituŋa a ŋakwapin, tosodi kinyakut ikes ŋidwe kus ŋulusapa edakito a ŋakan ka edakunete ikes ŋidwe kus ŋulupesur aloseketa kec.

Isa. 49:23

Eruworosi ŋirwosi aneni kus atapapa ka eruworosi ŋarwosi kec aneni kus atatoto ŋuna ikitanete iyes. Ijuuruyete ikes alokiŋaren kus ikitopoloorito iyes itiditeunosi ikes make ikitopoloorito iyes. Iyenunete nai iyes atemar arae ayoŋ Ekapolon, nyisurumyo ŋileec ŋulu ekekinyomito ayoŋ.”

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 54:3

isiyotoryo ŋikukorin a akibois kon lowae ŋolo aloteten ka ŋolo alokedyeny, ikamarete ŋiletok kon ŋakwapin ka iboikinosi lotaunio ŋulu apotu toruwor ŋireŋoroto.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 60:4

Kireosi kidiama ka toŋoleŋolekisi nawaetin; acunakin ikes daadaŋ, eponito neni kus, epote ŋidwe kus ŋulusapa aneni alwanan, edakunio ŋidwe kus ŋulupesur a ŋakan a ŋakedarak kec.

Isa. 61:5

Epote ŋituŋa ŋulugelae akiyok ŋamesekin kus epote akitare ŋimanikorin kus ŋulu a ŋikinyom ka ŋulu a ŋikito a epiini.

Isa. 66:12

Irworo Ekapolon ebala, “Ainakini ayoŋ Yerusalem ebari kikwaanikin ka ŋakipi anaŋolol. Ainakini ayoŋ iŋes ebari a ŋakwapin kikwaanikin ka ayonae ŋina elele kilap, ikidari ka ikidaki iŋes iyes ka ikikanikani ikiuryarit ejok.

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Esek. 39:10

Nyemitakinete ikes akikeyen ŋakito anariet, kori akiyep ŋikito ŋidi anamoni aŋuna a ŋakito, anerae inokete ŋakimya kec a ŋiboro a ŋulujiet. Eŋatarete ikes ŋiboro a ŋituŋa a ŋulu apotu toŋatasi ŋiboro kec ka elemarete ikes ŋiboro a ŋituŋa a ŋulu apotu tolemasi ŋiboro kec.”

Dan. 7:18

Nai ijaarete ŋituŋa ŋulu ka Akuj a ŋina alokidiama nooi apukan kituruwosi ŋina kec ŋikaru ka ŋikaru, kire jik eruwor apukan ŋina kec ŋikaru ka ŋikaru.’

Yoel 3:8

Agyelari ayoŋ ŋidwe kus ŋulusapa ka ŋulupesur neni a ŋituŋa a Yudaya, ido togyelasi ŋul ikes neni a Ŋisabean, nakwap ŋina alwanan nooi.” Ekapolon iŋes alimu ŋun.

Ŋilep. 25:44

Emaikina ŋipi ka ŋapi kus erae ŋulu eponito anakwapin a ŋuna ikirimokinito iyes kidiŋ, ipedorete iyes agyelun ŋipi a nen.

Obad. 1:17

“Nai eyakaun ŋulu esiyete anatyokisyo a ŋun lomukura ŋolo a Sion, ido eruwor nen neni eseg; eryamunete ŋituŋa a ekal a Yakob ŋiboro a ŋulu apotu sek ŋimoe kec todemasi ikes.

Sakar 2:13

Kililiŋa iyes ŋituŋa daadaŋ alokiŋaren Ekapolon; anerae abu iŋes anakibois keŋ a ŋina asegan a ŋina sek iboiyo.

Sakar 2:9

Kiirasi tokona, alosi ayoŋ akitijikin ikes, ikotere toŋatasi ŋipi kec ebari kec. Toyenut nai iyes atemar Ekapolon ŋolo etiron iŋes ekeyakuunit ayoŋ.

Luk. 12:45

Nai ani ketema eketiyan ŋol alotau keŋ, ‘Adid ekapolon kaŋ abunore,’ elomakini akibuŋa ŋiketiyak ŋuluce, ŋaberu ka ŋikilyok, nabo imuji, tomat tomerakin;

Ŋirom. 15:27

Erae ŋakiro ŋun ŋuna apotu ikes ŋilopeyek totubut akitiya. Erae tari amica aneni kec aŋuna a ŋituŋa a ŋul. Anerae ikwapei adauniata Ŋiyudayan akimor ka ŋulu nyerae Ŋiyudayan ŋarereŋisyo ŋuna ka Akuj, itemokino ŋulu nyerae Ŋiyudayan daŋ tomora ka Ŋiyudayan ŋarereŋisyo ŋuna a ŋiboro ka akwap.

2 Ŋikor. 10:5

Inyasunio isua ŋipegeta ŋulu nyiyookino ka ŋinibore eturon daadaŋ ŋini epedori akiretakin ayenut Akuj; ikikatakinit isua akikamun ŋatameta daadaŋ etacamutu akipup Kristo.

Ŋigal. 5:13

Nai iyes ŋikaitotoi kaŋ, aponi iyes ikinyarae aruwor ŋulu ilacakina. Nyicamakis nai alacakina ŋin eruwor ŋina kimyekinet ekibure ŋolo a ŋawat kus ikipukae iyes. Akilo, kimyekisi amina ikiinak iyes akijaanakin make.

Ŋiep. 4:8

Ikwapei irworotor Ŋakigireta ebe, “Ani elosi iŋes kidiama nooi, abu ya ŋirikon ŋulu alalak; inak ŋainakineta lotuŋa.”

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.