Isa. 14:19 - Ebaibul

¹⁹ nai ikimasar iyoŋ neni alwanan analyal kon lopite ŋolo imasarere ateni ŋina aronon. Erapitae akuwan kon a ŋawat a ŋituŋa a ŋulu aponi torae a ekileŋ a ŋulu emasar namoru ŋuna alotooma akipany, ikwaanikin iyoŋ ka alyal ŋina ipudaete ŋituŋa elosete.

Isa. 14:19 Iomraidhean Croise

1 Ŋirw. 21:19

Tolimok iŋes ebe, ‘Ebala Ekapolon, idau ba iyoŋ akiar Nabos ka ituruwo emanikor keŋ ŋolo kon?’ Tolimok iŋes ebe, ‘Ebala Ekapolon, emeyete ŋiŋokwo ŋaokot kon anakibois a ŋina ameyoto ŋaokot a Nabos.’ ”

1 Ŋirw. 21:24

Enyamete ŋiŋokwo ituŋanan ka Aab daadaŋ ŋini etwanikini tooma etaun ka enyamete ŋikeny ŋulu eporete ituŋanan keŋ daadaŋ ŋini etwanikini nariet.”

2 Ŋirw. 9:25

Tolimok Yeu ekapolokiniton ŋasigarya keŋ Bidikar tema, “Todakutu akuwan keŋ anagaari, kimasakis tooma emanikor ŋolo paaran a Nabos a ŋolo alo Yesireel. Totamunite mono iyoŋ apaki ŋina paaran emetere iwon ŋagaari yok ŋuna eritae a ŋaŋolei ibakiyaritae, iwuapitae erwosit Aab ŋolo arae papa keŋ a Yoram, abu Ekapolon tolimu ŋakiro a Yeu tema,

Isa. 13:15

Ituŋanan daadaŋ ŋini eryamunio, irusokinio ka ŋini ikamunio daadaŋ earyo a ekileŋ.

Isa. 14:18

Eperete ŋirwosi a ŋakwapin daadaŋ analyalin kec ka anapolou kec, eperi ŋinituŋanan analyal keŋ,

Isa. 34:3

Imasaryo kiŋa ŋituŋa kec ŋulu earyo, eremi abosis a ŋawat kec kidiama; elelearete ŋaokot kec alomoru.

Isa. 5:25

Aŋun, abu aŋoit ŋina a Ekapolon toyakaun lotuŋa keŋ, ka abu akisican ikes a apedori keŋ, apotu ŋimoru tomaranikis, kikokis ŋawat a ŋituŋa a ŋulu atwakito alorotin etukosi ŋatunyeny. tari ŋina aponiata ŋun kitiyakin, ariŋa Ekapolon eŋoikinit ikes ka arubakinit jik isicani ikes.

Yer. 16:6

Etwakete ŋituŋa daadaŋ a akwap a na, ŋikapolok ka ŋulucaryo. Nyenukyo ikes, mam ituŋanan iwololoe aŋuna kec, mam ŋini egeri akuwan, mam akibany ŋitim aŋuna kec.

Yer. 22:19

Enukio iŋes lopite ŋolo enukere esigirya, iriyaryo iŋes kiŋa kimasarae kiŋa ŋipukei a Yerusalem.

Yer. 41:7

Ani edolete ŋikilyok ŋul kidiŋ etaun, apotu Isimael lokoku a Nesania ka ŋikilyok ŋulu arukitotor iŋes toara ŋikilyok ŋul a ekileŋ, kimasakis ŋawat kec tooma akare.

Yer. 41:9

Arae akare ŋina emasakini Isimael ŋawat daadaŋ ŋuna a ŋikilyok a ŋulu abu iŋes toar, akare ŋina apolon, ŋina koloŋ keboki erwosit Asa aŋuna ka akiuryarya erwosit Baasa ŋolo a Isirael nyerem iŋes. Abu Isimael kilelebik akare ŋin ŋawat a ŋikilyok a ŋulu abu iŋes toar.

Yer. 51:4

Earakinio ikes nakwap a Ŋibabiloniyae ka ewanawanaryo ikes alorotin a etaun Babilon.

Esek. 32:23

Erekinitae ŋalyalin kec neni ecukul nooi anakibois a ŋikatwak. Eperete ŋikajiok ka Asiriya daadaŋ anakibois a ŋin irimokinito neni eyai Asiriya kidiŋ. Aaryo ikes daadaŋ a ekileŋ. Ŋituŋa ŋul sek ekiŋaren apotu yaut ekabule nakwap a ŋituŋa a ŋulu eyarete.

Esek. 32:27

Nyeperete mono ikes kaapei ka ŋikajiok ŋulu koloŋ aponi toarae, ŋulu anupito neni ka Akuj, ŋulu apotu tolomasi nakibois a ŋikatwak kaapei ka ŋiboro kec ŋulujiet, ŋikajiok ŋulu aponi kisicoloŋoi ŋileŋia kec a? Ŋikajiok ŋulu eya tokona ŋaupala kec kidiama ŋakoyo kec, anerae apotu ikes kielakis ekabule nakwap a ŋituŋa a ŋulu eyarete.