Isa. 14:13 - Ebaibul

¹³ Itami sek iyoŋ alotau kon ebe, ‘Alosi ayoŋ kidiama, etopoloor ayoŋ bon, ewuak neni epukator kidiama ŋikacer a Akuj, eboikin ayoŋ kidiama emoru ŋolo ecunanakin ŋituŋa, eboikin ayoŋ naitae ŋuna a Sapon.

Isa. 14:13 Iomraidhean Croise

Yob 20:6

Tari kewoyata ikes todolo tari kidiama lodouwon ŋulu ewato,

Ŋikiru. 48:2

Ibus nooi aoyau a Sion a emukura a ŋolo, ke Ekapolon, erae iŋes alelyanu a ŋituŋa ka akwap a daadaŋ. Eyai lomukura Sion etaun ŋolo ke Erwosit a ŋolo apolon nooi.

Isa. 2:2

Alorwa a ŋulu eponito, ituruworyo ekamukumukut ŋolo ka Akai ke Ekapolon ŋolo eoya nooi akilo ŋimoru, itooyaaryo kileŋ ŋikamukumukui. Ilelebikinosi ŋituŋa a ŋakwapin neni keŋ.

Yer. 49:16

Ikimodik iyes ekabule ŋolo iinakinito iyes lotuŋa ka akituro a ŋitai kus. Iyes lu ŋulu iboiyete alokidiama ŋatabab ka alokidiama emukura. Tari kiboiyete iyes alokidiama ŋimoru ikwa ŋigolei, akacakuni ayoŋ iyes a ina.

Esek. 27:3

tolimok Tiro, etaun ŋolo edukitoe neni elomarere nanam, ŋolo eyakasi ŋiboro a ŋituŋa a ŋakwapin a ŋuna eya diyete anam atemar, alimu Ekapolon Akuj ŋakiro nu, ‘Okoe Tiro, alimut ŋituŋa kon atemar, ejok nooi akibuses a etaun kosi.’

Esek. 28:2

“Lokoku a ituŋanan, tolimok erwosit a Tiro atemar, alimu Ekapolon Akuj ŋakiro nu, ‘Anakituro ŋina eyai lotau kon,’ ibala iyoŋ ebe, ‘Arae ayoŋ akuj; eboi ayoŋ alokicoloŋ ikwapei iboiyoto ŋakujo, ayai ayoŋ kidiŋ jik ŋanamyo.’ Nai irae iyoŋ ibore ŋini etwani, meere iyoŋ akuj, tari daŋ kisikwaanit iyoŋ ŋatameta kon ka ŋuna ka akuj.

Esek. 28:9

Irubakini mono iyoŋ ibala, ‘Arae ayoŋ akuj; toyakas bo neni kon ŋikaarak iyoŋ a? Iruwor iyoŋ ibore ŋini etwani, meere akuj, apaki ŋina eponiata neni kon ŋikaarak iyoŋ.

Esek. 29:3

Tolimok iŋes atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ Parao erwosit ŋolo a Ijipit, iyoŋ epiu ŋolo iletete anakipi a ŋuna a ŋakitelesyo,’ ibala iyoŋ, ‘Aŋolol kaŋ Nile, erae ŋina kaŋ a elope; ayoŋ abu etiyau iŋes aŋuna kaŋ.’

Esek. 31:10

“Aŋun, ŋakiro ŋuna alimu Ekapolon Akuj ikes nu ebe, ‘Aŋuna abunio ekitoe ŋol tooyaar nooi todol aoyau keŋ lodouwon ka aŋuna abunio ekitoe ŋol kiturokinor aoyau keŋ,

Esek. 40:2

Anakitoodianakineta a ŋuna ka Akuj aŋuna abu ayoŋ eŋolik, abu Akuj okoya ayoŋ nakwap a Isirael, ekewuak ayoŋ lomoru ŋolo aoyan, ŋolo aya ŋaduketa ŋuna asibito ŋuna a etaun lowae keŋ ŋolo alo Kwap.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 5:20

Nai aŋuna abunio iŋes kiturokin, kitogogoŋ akou keŋ, kitiya ŋakiro anakituro, aponi tolemarae iŋes alokicoloŋ keŋ a ŋolo ka apukan ka aponi tolemarae apolou keŋ.

Obad. 1:3

Ikimodik iyoŋ akituro alotau kon, iyoŋ ŋina iboi anaitae a ŋimoru, iyoŋ ŋina erae neni eoya alomoru erae ere kon. Ibala iyoŋ alotau kon, ‘Ŋae epedori acakun ayoŋ kwap?’

Sepan. 2:15

Arae sek Ninepe etaun ŋolo alakara ŋituŋa keŋ kiboiyete pa ekuryaka, ebasi make, ‘Iwon bon ikidedeŋ, mam ice?’ Kiŋolikisi tokona epite ŋolo aruworor iŋes ereŋorot, neni eperete ŋityaŋ ŋulu ka ariet! Eumokini ituŋanan daadaŋ ŋini itori nen iŋolikini Ninepe ikoni nen, ido kimuŋumuŋak akou.”

Mat. 11:23

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak! Anerae kerae koloŋ kitiyatetei ŋakujuwuanisya ŋuna etiyakin neni kus, keriŋa Sodoma eyai tari tokona!

Luk. 10:15

Ani bo iyoŋ Kaperenaum! Icamit iyoŋ akitopolooro kon todol nakuj a? Ikilemaryo iyoŋ anakwap, ikimasar nakibois ŋina a ŋikatwak!”

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.