Isa. 14:12 - Ebaibul

¹² “Icakun iyoŋ alokidiama okoe erwosit a Babilon, iyoŋ ŋolo ibu kileereu ikwa etop naparan, kori ikwa etop ŋolo ka akiwalaret! Ikituruwor iyoŋ ekoŋinait, iyoŋ ŋolo ibu kilou ŋakwapin!

Isa. 14:12 Iomraidhean Croise

Isa. 13:10

Akoloŋit ŋin, nyecaunete ŋitopon ka ŋikacer iryonuni akoloŋ apaki ŋina elomunia, nyecauni elap.

Isa. 34:4

Inyasunosi ŋikacer, elap ka akoloŋ alokidiama, elugurikin kidiama lopite ŋolo elugurikinere akaratas. Enyipinyipaarosi ŋikacer, elap ka akoloŋ alokidiama, lopite ŋolo einiyaryata ŋakwii alokitoe a epiini, kori lopite ŋolo einiyaryata ŋaraito a ebobore.

Yer. 50:23

Apotu ŋituŋa a Babilon kicakicaka ŋituŋa a ŋakwapin a daadaŋ, nai tokona, ecakicaki ikes daadaŋ, abul ŋituŋa daadaŋ aŋuna amunaarere Babilon.

Yer. 51:53

Tari kedokasi ŋituŋa a Babilon neni aoyan, tari keduko ikes ŋaduketa ŋunajiet neni eyakasi ikes alokidiama, eyakuuni ayoŋ ŋikenyasak ŋulu epote amunaar iŋes.

Aum. 2:1

Adau bareca Ekapolon anaŋoit keŋ atubun akisican ŋituŋa a Sion! Eturuwo iŋes akibuses ŋina ailiilon ŋina a Isirael acaryoit. Abu Ekapolon kimyek Akai keŋ akoloŋit ŋina abunio iŋes toŋoya.

Esek. 26:17

Egeunete nai ikes akiolol aŋuna kus ebasi, ‘Okoe! Alemar bareca etaun ŋolo arwon alotaunio a ŋulu ka anam, irae sek iyoŋ etaun a ŋikilyok a ŋulu eyenete akitiya nanam, ŋituŋa kon sek arae ŋitirunoe ŋulu ka anam. Iyes ŋituŋa ŋulu iboiyete alo Tiro iyaut ekabule neni a ŋituŋa a daadaŋ a ŋulu iboiyete a nen.

Obad. 1:4

Tari daŋ kiyai iyoŋ kidiama nooi ikwa egole, ka tari daŋ kidukit iyoŋ ŋakais kon lokacer, akacakuni ayoŋ iyoŋ kwap a nen.

Luk. 10:18

Tema iŋes ebe, “Eŋolikinit ayoŋ Satan ecakun anakuj ikoni akimilyaunet.

2 Pet. 1:19

Aŋun, eyatakin nabo akilo ayenut kosi atemar erae ŋakiro ŋuna a ŋikadwarak ŋuna a kire. Ejok nooi erae kiricakis iyes ŋakiro ŋun, anerae ikote ikes etaa ŋolo inwakunit neni iryono tari neni iwalaria akwap, tocaik akica ŋina ke etop a ŋolo ka ataparacu ŋitai kus.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

Akis. 2:28

Ainakini daŋ ayoŋ iŋes etop ŋolo ka ataparacu.

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”

Akis. 8:10

Abu emalaika ŋolo a ŋiuni tokutak arupepe keŋ. Tocakun etop ŋolo apolon nooi enoki ikwa agilae, tocakakin natutubet apei ŋina a ŋaŋololin alotooma ŋunauni ka lolelyan.

Akis. 9:1

Abu emalaika ŋolo a ŋikan tokutak arupepe keŋ. Oanyuwa etop ŋolo kebu kimasun anakuj kwap, ainakinitae etop ŋol ekipuŋguwo ŋolo ŋaaret auwuat ŋina aoyan ŋina nyesalunit alokwap.