Isa. 14:1 - Ebaibul

¹ Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Isa. 14:1 Iomraidhean Croise

Esta 8:17

Alotooma ŋinakwap daadaŋ ka ŋolotaun daadaŋ neni aponi tolimokinae akirot a erwosit ka ekisil ŋolo abu iŋes kitutub, apotu Ŋiyudayan tolelyana ka tolakaros. Kiwuanakis ŋasuban ka kieŋut aloticisyo. Kibelekinos ŋituŋa ka akwap a ŋin ŋulu alalak toruwor Ŋiyudayan, anerae apotu ikes tokuryaketa aŋuna a Ŋiyudayan.

Ŋikiru. 102:13

Ibuni iyoŋ, ido kisyoni Sion, anerae adolu apaki ŋina isyonio iyoŋ iŋes. Adolu apaki ŋina etemokinitoe,

Ŋikiru. 102:14

anerae eminasi ŋiketiyak kon Sion; nyelakara ikes aŋuna ka akinyasuno keŋ.

Ŋikiru. 143:12

Alotooma amina kon ŋina nyiryaŋiryaŋa, toar ŋimoe kaŋ; tomunya daadaŋ ŋulu akaremokino ayoŋ, anerae arae ayoŋ eketiyan kon.

Ŋikiru. 98:3

Abu Akuj nyilocok akiikinet keŋ neni a Ŋisirael, alotooma amina keŋ ŋina nyiryaŋiryaŋa ka akikinyoma keŋ. Aanyuwasi ŋituŋa daadaŋ anakwapin akiloun ŋina ka Akuj yok.

Isa. 19:18

Akoloŋit ŋin, eryamunio alo Ijipit ŋitaunio ŋikan ŋulu irworosi aŋajep a ŋituŋa a Kanaan kikoŋete itopoloorito Ekapolon ŋolo a ŋajoresyo. Enyarao epei a ŋitaunio a ŋul etaun ŋolo ka amunyaro.

Isa. 21:1

Ŋakiro ŋuna adwarit Ekapolon aŋuna ka aloŋisat a ŋina alodiyete anam. Ebuni ekenyasunan analoŋisat anakwap a ŋina adedeŋan, lopite ŋolo ekutunia ekuwuam ŋolo ekusi egogoŋ nooi kipiripiri epye akwap alo Negeb.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 41:9

iyes ŋulu abu ayoŋ ocun anakisaleta a akwap, ŋulu abu ayoŋ okonyarau alokoonae a akwap a ŋulu alwanak, ŋulu abu otema neni kus, ‘Irae iyes ŋiketiyak kaŋ, akaseu ayoŋ iyes ka nyekeritari ayoŋ iyes;’

Isa. 44:1

Kiirasi tokona, okoe iyes ŋiletok a Yakob a eketiyan kaŋ, kiirasi tokona, okoe Ŋisirael ŋituŋa kaŋ ŋulu adau ayoŋ aseun.

Isa. 45:14

Alimu Ekapolon ebe, “Eyaunio neni kon ebari a Ijipit ka ŋiboro ŋulu egyelanaryo alo Esiopia ta ŋiboro a Ŋisabean a ŋituŋa a ŋulu aoyak, eyaunio neni kon ka eruworosi ŋiboro ŋul daadaŋ ŋulu kon, epote ŋituŋa ŋul akiwuap iyoŋ irae ekapolon kec; epote ikes neni kon eenitae a ŋiriko, toryediko alokiŋaren kon. Ikilipete ikes iyoŋ ebasi, ‘Iyoŋ bon irukito ka Akuj, emam ice erukito ka Akuj, emam akuj ace mati ŋina irukitotor iyoŋ.’

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 49:13

Okoe iyes ŋisubuna ŋulu alokidiama, toeikisi ka alakara, okoe iyes ŋisubuna ŋulu alokwap, tocelutu ka alelelyanu; okoe iyes ŋisubuna ŋulu iya lomoru tocelutu ieosi, anerae esirworiu Ekapolon ŋituŋa keŋ ka isyoni ŋituŋa keŋ ŋulu eryamunito ŋican.

Isa. 49:15

Epedori mono akimuryakin aberu ikoku keŋ ŋini itanaki, kori epedori mono aberu awoun akisyon ikoku ŋini idounit iŋes alope a? Tari kepedorete ŋun akimuryakin aberu, nyimuryakinosi iyes aneni kaŋ.

Isa. 49:25

Nai alimu Ekapolon atemar, epedoryo ademun aneni a ekadedeŋan ŋituŋa ŋulu ekamaritae ka epedoryo ademun ituŋanan ibore ŋini eŋatunit, anerae etiji ayoŋ ŋulu ikitijiyete iyes, ido aiuni ayoŋ ŋidwe kus.

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Isa. 54:3

isiyotoryo ŋikukorin a akibois kon lowae ŋolo aloteten ka ŋolo alokedyeny, ikamarete ŋiletok kon ŋakwapin ka iboikinosi lotaunio ŋulu apotu toruwor ŋireŋoroto.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 56:3

Nyemaikina igelaanot ŋini iboiyete kaapei ka iyes elimuni ebe, “Kire jik, akatyakari Ekapolon ayoŋ alotuŋa keŋ.” Nyemaikina ekolup elimuni ebe,

Isa. 60:10

Edukete ŋigelaanotin ŋarwatatain kus, ikitiyanakinete iyes ŋirwosi kec, anerae abu ayoŋ ananyunyura kaŋ ekesican iyes; nai anajokis kaŋ, adau ayoŋ akisyon iyes.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Yer. 16:15

nai etemarete ikes ikoŋote ebe, “Ikwapei eyarya Ekapolon ŋolo ayauni ŋituŋa a Isirael anakwap a ŋina alo Kuju ka anakwapin a daadaŋ a ŋuna abu iŋes kirita ikes,” anerae enyakuni ayoŋ ikes nakwap kec a ŋikulepek, nakwap ŋina abu ayoŋ oinak atapapaa kec.

Yer. 29:14

ekemyekini ayoŋ iyes ikiryamut ayoŋ, ido ekenyakakini ayoŋ iyes ŋarereŋisyo daadaŋ ka akacununi ayoŋ iyes anakwapin a daadaŋ ka anakiboisyo a daadaŋ a ŋuna abu ayoŋ ekerita iyes, ekenyakuni ayoŋ iyes nakibois ŋina ekeyakiyarya ayoŋ iyes nakwapin aruwor ŋirikon.”

Yer. 30:8

Alimu Ekapolon ŋolo a ŋajoresyo ebe, “Akoloŋit ŋin alemari ayoŋ ayokot alomosiriŋin a ŋituŋa kaŋ, olema ŋiriko ŋulu eenitere ikes, nyerubakinete nabo ŋigelaanotin ituruworito ikes ŋiketiyak kec.

Yer. 31:4

Okoe ŋituŋa a Isirael, eketogogoŋi ayoŋ iyes nabo iruworosi nabo ŋulu igogoŋ. Ilemunete nabo iyes ŋiburin kus, tolomasi kiŋa kidoŋata ka alakara.

Yer. 50:33

Alimu Ekapolon ŋolo a ŋajoresyo ebe, “Isicanitae ŋituŋa a Isirael ka ŋituŋa a Yudaya daŋ, ewounitotor ŋikekamarak kec ikes, nyecamito akimyekin ikes toloto.

Yer. 51:51

Ibasi iyes, ‘Ikisurumi isua ŋileec, anerae ikiyanyo isua ikijamwari isua, elelebun ŋileec loreetin kosi, anerae apotu ŋituŋa ŋulugelae, nakiboisyo ŋuna asegak alo Kai ke Ekapolon.’

Esek. 16:60

Nai eriŋa ayoŋ ericit acamunet kaŋ ka iyoŋ, ŋina aponi iwon tocamunetei eriŋa iyoŋ irae asorokit, nabo ewuakini ayoŋ acamunet kaŋ ka iyoŋ ŋinaruba.

Esek. 47:22

Iryamunete iyes iŋes erae ŋina aruwor ŋina kus jik. Emaikina ŋituŋa ŋulugelae ŋulu iboiyete ka iyes, ŋulu adaut auruun ŋidwe a ne toryamut neni eruwor neni kec apaki ŋina ikoryata iyes akwap. Emaikina ikes yae erae ŋituŋa ŋulu ka akwap a Isirael. Emaikina ikes kilamilama kaapei ka iyes apaki ŋina ekorere akwap neni a ŋikabilae a Isirael.

Sakar 1:17

Kisera jik atemar ŋakiro ŋuna irworo Ekapolon ŋolo Etiron ikes nu, ‘Ilelebun nabo ebari lotaunio kaŋ; isirworiuni nabo Ekapolon Sion, ido eseuni nabo Ekapolon Yerusalem ikwapei etaun keŋ.’”

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Luk. 1:54

Eŋarak iŋes Isirael eketiyan keŋ, aŋuna atamunia akisyon keŋ;

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”